गुजरातचे नवे मुख्यमंत्री भूपेंद्र पटेल यांनी आज गांधीनगर येथील राजभवनात शपथ घेतली. ते गुजरातचे 17 वे मुख्यमंत्री बनले आहेत. त्यांच्या शपथविधीला गृहमंत्री अमित शाह यांच्यासह 5 राज्यांचे मुख्यमंत्री उपस्थित होते.
पटेल यांनी पूर्वनियोजित वेळापत्रकानुसार राजभवन येथे दुपारी 2 वाजता शपथ घेतली. उत्तर प्रदेशचे मुख्यमंत्री योगी आदित्यनाथ, मध्य प्रदेशचे मुख्यमंत्री शिवराज सिंह चौहान, कर्नाटकचे मुख्यमंत्री बसवराज बोम्माई, गोव्याचे मुख्यमंत्री प्रमोद सावंत, आसामचे मुख्यमंत्री हिमंत बिस्वा सरमा यांनीही शपथविधी कार्यक्रमाला हजेरी लावली.
शाह यांचे स्वागत करण्यासाठी पटेल विमानतळावर पोहोचले होते. या दरम्यान, गृहमंत्र्यांनी त्यांच्या पाठीवर थाप मारली.
