भाजपचे प्रदेशाध्यक्ष चंद्रकांत पाटील यांनी कोणाच्याही खांद्यावर बंदूक ठेऊन लढण्यापेक्षा पुरुषार्थ दाखून लढावे, अशी टीका ग्रामविकास मंत्री हसन मुश्रीफ यांनी पत्रकार परिषदेत केली. भाजपचे माजी खा.किरीट सोमय्या यांनी केलेले सर्व आरोप खोटे व बिनबुडाचे आहेत, त्यात काहीही तथ्य नाही. मी किवा माझ्या परिवारातील कोणत्याही सदस्याचा यात सह्भाग नाही असेही त्यांनी सांगितले. शिवसेना आणि राष्ट्रवादीचा जोड हा फेविकॉल सारखा मजबूत आहे हे विरोधकांनी लक्षात घावे असा टोला देखील त्यांनी लगावला.
भाजपचे प्रदेशाध्यक्ष असून देखील कोल्हापूर मध्ये चंद्रकांत पाटलांचा जो पराभव झाला त्यामुळे चंद्रकांत पाटील मला बदनाम करण्याचे कारस्थान सोमाय्यांच्या मध्यामातून करत असल्याची टीका देखील त्यांनी केली. भाजपचे माजी खा.किरीट सोमय्या यांनी सकाळी घेतलेल्या पत्रकार परिषदेला प्रतिउत्तर देण्यासाठी मुश्रीफ यांनी देखील पत्रकार परिषद घेतली, त्यात ते बोलत होते.
