मनमाड : समस्त मनमाडकरांचा जिव्हाळ्याचा प्रश्न म्हणजे पाणी , गेल्या दोन वर्षांपासुन समस्त मनमाडच्या नागरिकांची तहान भागवणारे वागदर्डी धरण हे तुडुंब भरून ओव्हरफ्लो होत आहे.
यंदाच्या वर्षीदेखील धरण क्षेत्रात झालेल्या समाधानकारक पावसामुळे वागदर्डी धरण हे काठोकाठ भरून थोढ्याच दिवसांमध्ये ओव्हरफ्लो होऊ शकते. गेल्या काही दिवसांपासुन मनमाड आणि परिसरात चांगला पाऊस होत आहे. मनमाडकरांच्या पाण्यासाठी आरक्षित असणाऱ्या पालखेड धरण आणि पाटोदा येथील साठवणूक तलावात देखील मुबलक पाणीसाठा असल्याने यंदाच्या वर्षीदेखील मनमाडच्या नागरिकांचा दुष्काळ दुर होणार आहे. आजच्या परिस्थितीत वागदर्डी धरणामध्ये 67 टक्के पाणीसाठा असुन , धरण ओव्हरफ्लो होण्यासाठी अवघ्या 1 ते 2 टक्यांनी पाणीसाठा वाढण्याची आवश्यकता आहे.
