मनमाड : दिवाळी निमित्त गेल्या अनेक वर्षांपासून परंपरा असणारी रेड्यांची टक्कर शहरातील लासलगाव फाटा परिसरात असणाऱ्या मोकळ्या मैदानात आज भाऊ-बीज निमित्त घेण्यात आली.
दिवाळी पाडवा आणि भाऊबीज निमित्ताने गेल्या अनेक वर्षांपासून रेड्यांची टक्कर घेण्याची परंपरा मनमाड शहरात आहे , लक्ष्मी पुजन झाल्यानंतर पाडव्याच्या दिवशी सायंकाळी रेड्यांची शहरात वाजत-गाजत मिरवणुक काढण्यात येत असते.भाऊ-बिजेच्या दिवशी रेड्यांची टक्कर लावण्याची प्रथा आहे. यामध्ये शहरासह बाहेर गावाहून देखील रेडे मालक आपले रेडे या टकरी साठी घेऊन येत असतात.रेड्यांच्या या टकरीचा थरार पाहण्यासाठी शहरातील शेकडो नागरिक यावेळी उपस्थित होते.
