मराठा क्रांती आंदोलनात बलिदान दिलेल्या ४२ जणांच्या वारसदारांना सहकार आणि निमसरकारी क्षेत्रातील कुठल्याही नजिकच्या ठिकाणी अथवा राहत्या ठिकाणी नोकरीत प्राधान्यक्रम देण्यात यावा अशी लक्षवेधी मागणी आपण हिवाळी अधिवेशनात मांडणार असल्याचे सूतोवाच आमदार कांदे यांनी सकल मराठा समाज आणि मराठा तीतुका मेळवावा संस्थेच्या पदाधिकाऱ्यांना दिले.
अँड. उमेशकुमार सरोदे यांच्या नेतृत्वाखाली शिष्टमंडळाने आमदार कांदे यांची भेट घेवून त्यांचा सत्कार केला. आमदार कांदे यांनी शासनाकडे केलेला पाठपुरावा व नोकरीत सामावून घेण्याची आग्रही मागणी मुख्यमंत्री उद्धव ठाकरे आणि उपमुख्यमंत्री अजित पवार यांच्या कडे केली होती. त्या मागणी राज्य शासनाने सकारात्मक प्रतिसाद देखील दिला आहे.
याप्रसंगी पं.स.माजी सभापती विलास आहेर, शिवसेना तालुकाप्रमुख किरण देवरे, उमेश उगले, सागर हिरे, अभिजित आहेर, संदीप भदाणे, निलेश कवडे, प्रवीण देशमुख, प्रशांत गवांदे, संजय देशमुख आदी उपस्थित होते.
