येवला तालूक्यातील भारतीय सैन्यदलात हवालदार या पदावर असलेले येथील संदीप अर्जुनराव शिंदे यांना कर्तव्यावर असताना वीरमरण आले. येथे आज शासकीय इतमामात मानवंदना देऊन अंत्यसंस्कार करण्यात आले.
त्यांच्या निधनाचे वृत्त समजताच तालुक्यात दोन दिवसांपासून शोककळा पसरली होती. दिवंगत जवान संदीप शिंदे यांच्यामागे आई, वडील, पत्नी व दोन मुले आणि एक बहिण असा परिवार आहे. वीर जवान शिंदे यांचे पार्थिव त्यांचे मूळ गाव असलेल्या येवला शहरात येथे आणण्यात आले. त्यांच्या अंत्यदर्शनासाठी डोळ्यात अश्रूरुपी श्रद्धांजली वाहत प्रचंड जनसमुदाय उपस्थित होता.
दरम्यान सजवलेल्या रथातून शिंदे त्यांची अंत्ययात्रा घरापासून अमरधाम येथे आणण्यात आली. यावेळी भारत माता की जय, अमर रहे अमर रहे, संदीप शिंदे अमर रहे अशा घोषणांनी त्यांना अंतिम निरोप दिला.
