चांदवडच्या आरती शिंदेची सुवर्ण झेप !

चांदवड येथील आबड-लोढा-सुराणा महाविद्यालयातील मराठी विभागातील एम.ए.द्वितीय वर्षाची विद्यार्थिनी आरती रावसाहेब शिंदे ही सावित्रीबाई फुले पुणे विद्यापीठातून प्रथम क्रमांकाची सुवर्ण पदक विजेती ठरली आहे. तिच्या या घवघवीत यशाबद्दल संस्थेच्या विश्वस्त मंडळाचे अध्यक्ष बेबीलालजी संचेती, उपाध्यक्ष दिनेश लोढा, सेक्रेटरी जवाहरलालजी आबड, संस्थेच्या प्रबंध समितीचे अध्यक्ष अजित सुराणा, उपाध्यक्ष अरविंद भनसाळी, विश्वस्त व प्रबंध समितीचे सदस्य व महाविद्यालयाच्या विकास समितीचे समन्वयक कांतीलालजी बाफणा, प्रबंध समितीचे सदस्य व महाविद्यालयाच्या विकास समितीचे समन्वयक सीए महावीर पारख व प्राचार्य डॉ.जी.एच.जैन यांनी अभिनंदन केले आहे.