Breaking News

[post-marguee]

[ays_poll id=7]

डॉ. नरेश गिते महावितरण कंपनीचे संचालक (मानव संसाधन) पदी रुजू

Jan 13, 2022

महावितरण कंपनीचे संचालक (मानव संसाधन) म्हणून डॉ. नरेश गिते यांनी गुरुवारी (दि. १३) कार्यभार स्वीकारला. त्यांची या पदावर थेट भरती प्रक्रियेतून निवड झाली आहे. याआधी ते महावितरणमध्ये औरंगाबाद प्रादेशिक विभागाचे सहव्यवस्थापकीय संचालक म्हणून सेवानिवृत्त झाले होते.

राज्य शासनाच्या विविध विभागांमध्ये ३८ वर्षांचा प्रशासकीय सेवेचा प्रदीर्घ अनुभव असलेले डॉ. नरेश गिते यांनी १९८३ मध्ये जिल्हा परिषदेचे उपमुख्य कार्यकारी अधिकारी म्हणून प्रशासकीय सेवेला प्रारंभ केला. त्यानंतर सन २००९ मध्ये भारतीय प्रशासकीय सेवामध्ये (आयएएस) डॉ. गिते यांची निवड झाली. त्यानंतर नाशिक जिल्हा परिषदेचे मुख्य कार्यकारी अधिकारी, मिरा भाईंदर महानगरपालिकेचे आयुक्त, राज्य शासनाच्या पाणीपुरवठा व स्वच्छता विभागाचे सहसचिव, महानंद डेअरीचे व्यवस्थापकीय संचालक आदी पदांवर डॉ. गिते यांनी काम केले आहे.

तसेच महावितरणच्या औरंगाबाद प्रादेशिक विभागाचे सहव्यवस्थापकीय संचालक म्हणून डॉ. नरेश गिते यांनी सुमारे नऊ महिन्यांच्या कालावधीत प्रामुख्याने ग्राहकसेवा, सुरळीत वीजपुरवठा तसेच थेट गावात जाऊन वीजप्रश्न सोडविण्यावर भर दिला. राज्य शासनाच्या कृषिपंप वीजजोडणी धोरण २०२०च्या अंमलबजावणीची विशेष जबाबदारी महावितरणच्या व्यवस्थापनाकडून डॉ. गिते यांच्याकडे देण्यात आली होती. यामध्ये ४५ दिवसांच्या ‘कृषी ऊर्जा पर्वा’च्या माध्यमातून ही योजना गावोगावी पोहोचविण्यात त्यांनी योगदान दिले. गेल्या वर्षी मे महिन्यात ते सेवानिवृत्त झाले होते. त्यानंतर महावितरणच्या संचालक (मानव संसाधन) पदी थेट भरती प्रक्रियेतून डॉ. गिते यांची नुकतीच निवड झाली.

राज्यातील 2 कोटी ८० लाख वीजग्राहकांना सेवा देणाऱ्या महावितरणचे अंतर्गत मानव संसाधनाचे प्रशासकीय कामकाज आधुनिक तंत्रज्ञानाच्या सहाय्याने आणखी वेगवान तसेच तत्पर व सकारात्मक करण्यास प्राधान्य देण्यात येईल असे डॉ. नरेश गिते यांनी सांगितले.

अजून बातम्या वाचा..

राष्ट्रीय नागरी उपजीविका अभियानांतर्गत समर्थ महिला बचत गटाची बैठक व हळदी कुंकू कार्यक्रम संपन्न

राष्ट्रीय नागरी उपजीविका अभियानांतर्गत समर्थ महिला बचत गटाची बैठक व हळदी कुंकू कार्यक्रम संपन्न

मनमाड शहरातील गोपाळनगर येथील समर्थ महिला गट दीनदयाळ अंत्योदय योजना राष्ट्रीय नागरी उपजीविका योजना...

read more
मनमाड लासलगाव रोड वरील खुनाच्या घटनेतील आरोपीस २४ तासात अटक : चांदवड पोलिसांची कामगिरी

मनमाड लासलगाव रोड वरील खुनाच्या घटनेतील आरोपीस २४ तासात अटक : चांदवड पोलिसांची कामगिरी

दोन दिवसांपूर्वी मनमाड लासलगाव रोडवर वाघदर्डी धरणाजवळ पडीत जागेवर चांदवड तालुक्यातील पिंपळगाव...

read more
कृषी आकस्मिक निधीतून तात्काळ वीजयंत्रणेची कामे करावीत: ऊर्जामंत्री डॉ नितीन राऊत

कृषी आकस्मिक निधीतून तात्काळ वीजयंत्रणेची कामे करावीत: ऊर्जामंत्री डॉ नितीन राऊत

नाशिक जिल्ह्यातील वीजप्रश्नावर  ऊर्जामंत्री यांची लोकप्रतिनिधीसमवेत  बैठककृषिपंप वीज धोरण २०२० ...

read more
मुक्तीभूमी वाचनालय व अभ्यासिका बहुजन कष्टकरी विद्यार्थ्यांचे ज्ञान केंद्र बनावे : गायिका कडूबाई खरात

मुक्तीभूमी वाचनालय व अभ्यासिका बहुजन कष्टकरी विद्यार्थ्यांचे ज्ञान केंद्र बनावे : गायिका कडूबाई खरात

महामानव डॉक्टर बाबासाहेब आंबेडकर आणि महाकवी वामनदादा कर्डक यांच्या नावाने सुरू असलेले भारतरत्न डॉ....

read more
अभ्यासक्रम पूर्ण करण्याचे शिक्षकांसमोर आव्हान : शनिवार आणि रविवारी शाळा सुरू ठेवाव्यात – अजित पवारांचे आवाहन

अभ्यासक्रम पूर्ण करण्याचे शिक्षकांसमोर आव्हान : शनिवार आणि रविवारी शाळा सुरू ठेवाव्यात – अजित पवारांचे आवाहन

गेल्या दोन वर्षांपासून कोरोनामुळे विद्यार्थ्यांच्या शिक्षणाची मोठ्या प्रमाणात नुकसान झालंय. आता...

read more
मनमाड-दौंड लोहमार्ग ५०० कोटी तर मनमाड-जळगाव लोहमार्गासाठी २०५ कोटींची केंद्रीय अर्थसंकल्पात तरतूद

मनमाड-दौंड लोहमार्ग ५०० कोटी तर मनमाड-जळगाव लोहमार्गासाठी २०५ कोटींची केंद्रीय अर्थसंकल्पात तरतूद

मनमाड -दौंड 247 किमी लोहमार्ग  दुहेरीकरण करणे साठी रुपये  500/- कोटी तर मनमाड- जळगाव या 160 किमी...

read more
[hsas-shortcode group="" speed="10" direction="left" gap="50"]