न्यूझीलंडमध्ये ओमिक्रॉन व्हेरिएंटचा शिरकाव झाल्याने न्यूझीलंडमध्ये पुन्हा एकदा कठोर नियम लागू करण्यात आले आहेत. त्यामुळे पंतप्रधानपदी असतानाही जेसिंडा आर्डेन यांनी नियमातून पळवाट न शोधता लग्न लांबणीवर टाकलं आहे. एकप्रकारे जेसिंडा यांनी परिस्थितीचं भान कसं राखायचं याचं उदाहरणच दिलं असल्याची चर्चा त्यामुळे रंगली आहे.
.
जेसिंडा टेलिव्हिजन अँकर क्लार्क गेफोर्ड यांच्याशी लग्न करणार आहेत. गेफॉर्ड हे त्यांचे लिव्ह इन पार्टनर आहेत. या युगुलाला एक बाळ देखील आहे.
.
आपल्या निर्णयाविषयी त्या सांगतात, “मी न्यूझीलंडच्या सर्वसामान्य नागरिकांपासून वेगळी नाही. कोरोना संकटाने न्यूझीलंडसह संपूर्ण जगावर भीषण परिणाम झाला आहे. त्यातील सर्वांत अधिक हृदय पिळवटून टाकणारा प्रसंग म्हणजे आपल्या कुटुंबीयांची काळजी घेण्यासाठी आपल्या स्वतःला न हजर राहता येणं.”
.
न्यूझीलंडमध्ये 15,104 कोरोना रुग्ण आढळले असून, 52 जणांचा मृत्यू झाला आहे. रविवारी कोव्हिड संदर्भात नवे नियम लागू झाले. देशात ओमिक्रॉनच्या 9 केसेस आढळल्यानंतर न्यूझीलंडने धोरणात बदल केला आहे. जाहीर कार्यक्रमात लशीचे दोन्ही डोस घेतलेले 100 माणसंच असू शकतील. दुकानं तसंच सार्वजनिक वाहतुकीदरम्यान मास्क परिधान करणं अनिवार्य असेल. लग्नासाठी केवळ 25 व्यक्तीच हजर राहू शकतात.
व्हिआय चे नेटवर्क डाऊन – ग्राहकांना नाहक त्रास
व्हीआयचं नेटवर्क सकाळ पासून डाऊन, कॉलिंग आणि इंटरनेट सेवा पूर्णपणे ठप्प असल्याने ग्राहकांना...










