दोन दिवसांपूर्वी मनमाड लासलगाव रोडवर वाघदर्डी धरणाजवळ पडीत जागेवर चांदवड तालुक्यातील पिंपळगाव धाबली येथील जनावरांची खरेदी विक्री करणाऱ्या अनिल रतन आहीरे या इसमाचा अंगावर धारदार शस्त्राने वार करून खून करण्यात आल्याची घटना घडली होती. पोलिसांनी तातडीने घटनास्थळी धाव घेत अज्ञात आरोपीविरोधात भादवि कलम ३०२ प्रमाणे गुन्हा क्रमांक ४७/२०२२ दाखल करून चौकशी सुरु केली होती.मनमाड चांदवड रोड वरील सी सी टी वी फुटेज च्या आधारे संशयित इसमाची माहिती घेवून गंगावे ता. चांदवड येथे जाऊन खुनाच्या घटनेतील मुख्य आरोपी दत्तात्रय विश्वनाथ उबाळे यास चौकशीसाठी ताब्यात घेतले होते. मयत अनिल आहीरे संदर्भात चौकशी केली असता आरोपीने उडवाउडवीची उत्तरे दिली मात्र त्याला पोलिसी खाक्या दाखविताच आरोपीने खुनाची कबुली दिली.चांदवड पोलिसांनी आरोपीला तत्काळ अटक करून पुढील तपासासाठी ५ दिवसाची पोलीस कस्टडी देण्यात आली असून गुन्ह्याचा पुढील तपास मा.पोलीस अधीक्षक श्री सचिन पाटील व उपअधीक्षक समीरसिंह साळवे यांच्या मार्गदर्शनाखाली चांदवड चे पोलीस निरीक्षक समीर बारावकर हे करीत आहेत. सदर गुन्ह्याच्या तपासासाठी पो.नी हेमंत पाटील,समीर बारावकर, सपोनि सागर शिंपी,पोउपनि संदीप पाटील,मुकेश गुजर,सहापोउपनि विठ्ठल बागुल, पोलीस हवालदार सोनवणे,पोना लोखंडे, गांगुर्डे, कुणाल मोरे यासह मनमाड पोलीस स्टेशन गुन्हे प्रकटीकरण पथकाने विशेष परिश्रम घेतले.
राशी भविष्य : १९ जून २०२५ – गुरुवार
मेष : भाग्यकारक घटना घडेल. तुमच्या कार्यक्षेत्रात सुसंधी व प्रसिद्धी लाभेल. वृषभ : काहींना...
