मनमाड महाविद्यालयात विज्ञान मंडळाचे उद्घाटन

महात्मा गांधी विद्यामंदिर संचलित कला,विज्ञान व वाणिज्य महाविद्यालयात विज्ञान मंडळाचे उद्घाटन महाविद्यालयाचे प्राचार्य डॉ ए व्ही पाटील यांच्या मार्गदर्शनाखाली संपन्न झाले.या कार्यक्रमाचे उद्घाटक व प्रमुख पाहुणे महाविद्यालयाचे उपप्राचार्य डॉ. प्रमोद आंबेकर हे आपले मनोगत व्यक्त करताना म्हणाले की,विज्ञानाने प्रत्येक सामान्य माणसाच्या जीवनात आमूलाग्र बदल घडवले आहेत.वैज्ञानिक ज्ञानामध्ये दिवसेंदिवस भर पडत आहे त्यामुळे मानवी जीवन अधिकाधिक सुसह्य होत आहे.कार्यक्रमाचे प्रास्ताविक विज्ञान मंडळ प्रमुख डॉ.एस पी खैरनार यांनी केले.कार्यक्रमाचे सूत्रसंचालन डॉ राहुल शिंदे व आभार प्रदर्शन प्रा.ए आर बुकाने केले. या कार्यक्रमास विज्ञान विभागाचे पर्यवेक्षक डॉ. सतीश तांबे, प्रा. डब्ल्यू.के. गागरे तसेच विज्ञान विभागाचे शिक्षक व विद्यार्थी मोठय़ा संख्येने उपस्थित होते.