मनमाड : शहरातील सामान्य नागरिक आणि महिलांसाठी सदैव वेग-वेगळे उपक्रमाचे आयोजन करून समाजकार्य करणाऱ्या रौनक फौंडेशनच्या अध्यक्षा डॉ.सौ वर्षा झाल्टे यांना महिला दिनानिमित्त महावीर इंटरनॅशनल संस्था नाशिक यांच्या वतीने ‘सुकन्या पुरस्कार’ देऊन सन्मानित करण्यात आले.
मनमाड शहर आणि परिसरातील वाड्यावस्ती , तांडे येथे गरीब आणि गरजवंत लहान मुले , महिला आणि नागरिकांसाठी मोफत आरोग्य तपासणी शिबिराचे आयोजन रौनक फौंडेशनच्या माध्यमातून नेहेमी करण्यात येत असते , शहरातील बेरोजगार आणि गरजवंत महिलांच्या रोजगारासाठी देखील डॉ.झाल्टे या प्रयत्नशील असुन त्यांनी नुकतेच रौनक फौंडेशनच्या माध्यमातुन साधना महिला गृह उद्योग चालु केला आहे. डॉ. झाल्टे या शहरातील अनेक समाजिक संस्थामध्ये देखील सक्रिय आहे. याच कार्याची दखल घेऊन नाशिक येथील नामवंत असणारी महावीर इंटरनॅशनल संस्थेच्या वतीने जागतिक महिला दिनानिमित्त नाशिक येथे आयोजित कार्यक्रमामध्ये डॉ.वर्षा झाल्टे यांना ‘सुकन्या पुरस्कार’ देऊन सन्मानित करण्यात आले. हा पुरस्कार प्राप्त झाल्याने डॉ. वर्षा झाल्टे यांचे शहरातील सर्व थरातून अभिनंदन होत आहे.
