अन्ननलिकेत सुपारीचा तुकडा अडकुन ३७ वर्षीय इसमाचा मृत्यू

 गुटखा खाणाऱ्यांना सतर्क बातमी औरंगाबाद मध्ये समोर आली आहे. टीव्हीचे डिश फिट करण्यापूर्वी तोंडात गुटखा टाकून कामाला सुरवात करताच अचानक ठसका लागला. त्यातच सुपारीचा तुकडा घशातुन अन्ननलिकेत जावुन अडकून बेशुध्द झालेल्या 37वर्षीय व्यक्तीचा म्रुत्यु झाला.गुरुवारी दि. १० मार्चला रात्री उस्मानपुरा भागात ही घटना घडली.डॉक्टरांच्या शवविच्छेदन अहवालातुन ही बाब स्पष्ट झाली आहे. गणेश जगन्नाथ दास (३७,रा.पद्मपाणी, रेल्वे स्टेशन) असे म्रुताचे नाव आहे. ते वीस वर्षापासून खाजगी कंपनीत कामाला होते. त्यांच्या पश्चात आई,पत्नी, दोन मुले,भाऊ असा परिवार आहे. पोलिसांकडुन मिळालेल्या माहितीनुसार गुरुवारी रात्री गणेश हे कंपनी मालकाच्या घरी टीव्हीचे डिश बसविण्यासाठी गेले होते. डिश फिट करण्याचे काम सुरू करण्यापुर्वी त्यांनी गुटखा तोंडात टाकला.त्यांना अचानक ठसका लागला. अचानक गंभीर ठसका लागल्याने तोंडातील गुटख्यामध्ये असलेल्या एक सुपारीचा तुकडा घशात जावुन अन्ननलिकेत अडकला ते जागेवरच बेशुद्ध पडले.त्यांना तात्काळ घाटी रुग्णालयात दाखल करण्यात आले. तेथे डॉक्टरांनी तपासून त्यांना म्रुत घोषित केले.
शुक्रवारी त्यांचा शवविच्छेदन अहवाल प्राप्त झाला.जोराचा ठसका लागल्याने तोंडातील सुपारीचा तुकडा घशातून जाऊन अन्ननलिकेत अडकला ,यातच त्यांचा म्रुत्यु झाला. असे त्यात म्हटले आहे. य प्रकरणी उस्मानपुरा ठाण्यात अकस्मात म्रुत्यु ची नोंद करण्यात आली आहे.