साध्या तिकिटावर विनाआरक्षित रेल्वे गाड्यांमधून प्रवास करण्यासाठी असलेली प्रतीक्षा अखेर संपली आहे. पंचवटी, डेक्कन एक्स्प्रेस, इंटरसिटी, डेक्कनक्वीन यांसह एकूण १२ रेल्वे गाड्यांसाठी २२ मार्चपासून कोरोनापूर्व काळाप्रमाणे प्रवास सुविधा सुरू करण्याचा निर्णय घेण्यात आला आहे.
या गाड्यांमध्ये मासिक पासधारकांसाठी विशेष डबा पूर्वीप्रमाणेअसणारआहे.सीएसएमटी-मनमाड-सीएसएमटी पंचवटी,सीएसएमटी-पुणे-सीएसएमटी इंटरसिटी,सीएसएमटी-पुणे-सीएसएमटी इंद्रायणी,सीएसएमटी-पुणे सीएसएमटी डेक्कन एक्स्प्रेस, सीएसएमटी-पुणे- सीएसएमटी सिंहगड आणि सीएसएमटी- पुणे-सीएसएमटी डेक्कनक्वीन या गाड्यांमध्ये विनाआरक्षित डबे २२ मार्चपासून सुरू होणार आहेत.
साधे तिकीटही आता खिडक्यांवर उपलब्ध होईल, अशी माहिती मध्य रेल्वेने दिली. मध्य रेल्वेवरील २४ लांब पल्ल्याच्या गाड्यांसह १६५ रेल्वे गाड्यामध्ये आरक्षित डबे २९ जूनपासून सुरू होणार आहे. यात कोकण रेल्वेतील मांडवी, कोकणकन्या, तुतारी, दिवा- सावंतवाडी एक्स्प्रेस आणि पश्चिम रेल्वेवरील आठ रेल्वे गाड्यांचा समावेश
आहे.
