प्रसिद्ध कवी, गीतकार प्रकाश होळकर यांची अखिल भारतीय मराठी साहित्य महामंडळावर सदस्य पदी बिनविरोध निवड झाली आहे. कवी प्रकाश होळकर यांच्या निवडीने हा बहुमान नाशिक जिल्ह्याला प्रथमच मिळाला आहे. फलटण जिल्हा सातारा येथे सत्तावीसावे विभागीय साहित्य संमेलन नुकतेच थाटात संपन्न झाले. आणि याला जोडूनच महाराष्ट्र साहित्य परिषदेची पुणे या संस्थेची बैठक कार्याध्यक्ष मिलिंद जोशी यांच्या अध्यक्षतेखाली संपन्न झाली.याबैठकीस मसापचे कार्यवाह प्रकाश पायगुडे, कोषाध्यक्ष सुनिता राजे पवार, व इतर वीस मान्यवर सदस्य या बैठकीला उपस्थित होते. सुरुवातीला अटीतटीच्या वाटणाऱ्या, या बैठकीत कवी प्रकाश होळकर यांच्या नावावर सर्वानुमते शिक्कामोर्तब करण्यात आला. होळकर यांची अखिल भारतीय साहित्य महामंडळावर बिनविरोध निवड घोषित करण्यात आली. साहित्य महामंडळाच्या इतिहासात प्रथमच नाशिक जिल्ह्याला हा बहुमान मिळाला आहे. नाशिकला संपन्न झालेल्या संमेलनातील वाद-विवाद अजून सुरूच आहे. तेव्हा प्रकाश होळकर यांच्या निवडीने अधिक लक्ष वेधले आहे. महाराष्ट्र शासनाच्या मराठी भाषा विभाग समितीच्या सदस्यपदी आणि कुसुमाग्रज प्रतिष्ठानच्या पदी प्रकाश होळकर यांची निवड नुकतीच झाली आहे. त्यामुळे साहित्यक्षेत्रात आनंदाचे वातावरण आहे. या निवडीबद्दल अनेक मान्यवरांनी प्रकाश होळकर यांचे अभिनंदन केले आहे.
मनमाड नगरपरिषद निवडणूक : प्रभाग रचना जाहीर
मनमाड नगरपरिषदेच्या होऊ घातलेल्या निवडणुकांसाठी आज निवडणूक आयोगच्या वतीने मनमाड शहराची प्रभाग रचना...











