मनमाडला वीज कंपनी विरोधात मध्यरात्री सर्वपक्षीय आंदोलन

शहर परिसरात उन्हाचा पारा ४० अंशावर पोहोचल्यामुळे विजेची मागणी मोठ्या प्रमाणावर वाढवून विजेचा तुटवडा होत असल्याने वारंवार विज खंडीत होत आहे. गेल्या आठ दिवसापासुन विज महावितरणने कोणतीही पूर्वसूचना न देता अचानक पणे दररोज दीड ते दोन तासाचे तातडीचे भारनियमन सुरू केले आहे. त्यामुळे ऐन उन्हाळ्यात उष्णतेचा पारा वाढत असतानाच नागरिकांना मात्र जीव कासावीस होत आहे.त्या अनुषंगाने मध्यरात्रीच्या सुमारास सर्वपक्षीय संघटनेने तब्बल दीड तास शहरातून जाणाऱ्या इंदोर – पुणे महामार्गावर रास्ता रोको करण्यात आला.यावेळी महावितरणच्या विरोधात घोषणाबाजीही देण्यात आली. यंदाच्या उन्हाळ्यात मार्चअखेर आणि एप्रिलच्या सुरूवातीला तापमानाचा पारा 40 आमच्या पुढे गेल्यामुळे नागरिक हैराण झालेले असतानाच सातत्याने खंडित वीज पुरवठा मुळे शहरवासीय हवालदिल झाले आहेत. बुधवार रात्री साडेअकराच्या सुमारास मनमाड शहर पूर्ण ब्लॅकआऊट झाले आणि नागरिकांच्या हालअपेष्टाना पारावर उरला नाही वातावरणात हवेचा थांगपत्ता नाही तर घरात उकडणे बसवेना त्यामुळे आगीतून उठून फुफाट्यात पडल्याची अवस्था मनमाडकरांचे झाली. यातच वीज मतावितरण कंपनीने दिवसभरातून कधीही तातडीचे भारनियमन शहरात सुरू केल्याने नागरिकांच्या हाल अपेष्टांमध्ये अधिकच भर पडली आहे. या रास्ता रोको मध्ये शिवसेना,राष्ट्रवादी,भाजपा, रिपाई आणि मनसे आदी पक्षाचे पदाधिकारी उपस्थित होते.राजेंद्र आहिरे, राजेंद्र पगारे,मयुर बोरसे,नितीन पांडे,जयकुमार फुलवाणी, नाना शिंदे, अक्षय देशमुख,गुरुकुमार निकाळे,सचिन शिरुड, सिद्धार्थ निकम, योगेश इमले,प्रितम गायवाड,भगवान भोसले आदी सर्वपक्षीय पदाधिकारी व मोठ्या संख्येने मनमाडकर या रास्तारोको मध्ये सहभागी झाले होते.