७५ व्या कान फिल्म फेस्टिव्हल मध्ये भारताला अजून एक चांगली बातमी मिळत आहे. यापूर्वी, बॉलिवूड अभिनेत्री दीपिका पदुकोणची कान महोत्सवाच्या ज्युरीचा भाग होण्यासाठी निवड झाली होती. यानंतर आता भारताला आणखी एक मान मिळाला आहे. वास्तविक, यावर्षी होणाऱ्या कान्स फिल्म फेस्टिव्हलमध्ये भारताची ‘कंट्री ऑफ ऑनर’ म्हणून निवड करण्यात आली आहे. केंद्रीय माहिती आणि प्रसारण मंत्री अनुराग ठाकूर यांनी सोशल मीडियावर ही माहिती दिली आहे. ते म्हणाले की- ‘अधिकृतपणे भारताची ‘कंट्री ऑफ ऑनर’ म्हणून निवड करण्यात आली आहे. या वर्षीच्या कान्स फिल्म फेस्टिव्हलमध्ये इंडिया पॅव्हेलियनची थीम आहे: भारत, जगाचा कंटेंट हब. याचे उद्घाटन १८ मे २०२२ रोजी होणार आहे आणि देशातील भाषिक, सांस्कृतिक आणि प्रादेशिक विविधतेमध्ये भारतीय सिनेमा प्रदर्शित केला जाईल.
यावर्षी हा महोत्सव १७ मे ते २८ मे २०२२ पर्यंत सुरू होईल आणि यावर्षी कान महोत्सव ७५ वा वर्धापन दिन साजरा करेल. विशेष म्हणजे भारतही स्वातंत्र्याची ७५ वर्षे साजरी करत आहे. ही पहिलीच वेळ आहे जिथे उत्सवात ‘कंट्री ऑफ ऑनर’ परंपरा सुरू होत आहे. जो येणाऱ्या काळातही चालू ठेवला जाईल.
