Breaking News

[post-marguee]

[ays_poll id=7]

संभाजी राजेंच्या उमेदवारीवरून मराठा क्रांती मोर्चा आक्रमक

May 25, 2022

छत्रपती संभाजीराजे यांचे अद्याप तळ्यात-मळय़ात सुरू असल्याने शिवसेनेने राज्यसभेच्या दुसऱ्या जागेकरिता कोल्हापूर जिल्हाप्रमुख संजय पवार यांच्या उमेदवारीचा विचार सुरू केला. ‘राजांइतकेच मावळेही महत्त्वाचे असतात’ अशा शब्दांत खासदार संजय राऊत पवार यांच्याच नावावर शिक्कामोर्तब होण्याचे संकेत दिले आहेत. असं असतानाच आता शिवसेनेकडून छत्रपती संभाजीराजेंच्या अपक्ष उमेदवारीला विरोध केला जात असल्याचा दावा करत मराठा क्रांती मोर्चाने शिवसेनेचे खासदार संजय राऊत यांच्यावर कठोर शब्दांमध्ये टीका केलीय. संजय राऊत यांचा सत्तेचा माज महाराष्ट्रातील शिवप्रेमी जनता उतरवेल, असा इशारा मराठी क्रांती मोर्चाने दिलाय. राज्यसभेच्या दुसऱ्या जागेकरिता शिवसेनेने कोल्हापूरचे छत्रपती संभाजीराजे यांना उमेदवारी देण्याची तयारी दर्शविली आहे. फक्त त्यांनी शिवसेनेत प्रवेश करावा व पक्षाचे अधिकृत उमदेवार म्हणून रिंगणात उतरावे ही अट संभाजीराजे यांना घालण्यात आली आहे. अपक्ष म्हणून महाविकास आघाडीने पाठिंबा द्यावा, अशी संभाजीराजे यांची भूमिका आहे. या साऱ्या घडामोडी घडत असतानाच शिवसेनेने संभाजीराजे यांना सूचक इशारा दिला. कोल्हापूर शिवसेनेचे जिल्हाप्रमुख संजय पवार यांना राज्यसभेची दुसरी उमेदवारी देण्याची तयारी शिवसेनेने सुरू केली. संभाजीराजे हे कोल्हापूरचे आहेत. यामुळेच कोल्हापूरच्या दुसऱ्या नेत्याला उमेदवारी देण्याची रणनीती शिवसेनेने आखली. या सर्व घडामोडींबाबत शिवसेनेचे खासदार व मुख्य प्रवक्ते संजय राऊत यांनी शिवसेनेच्या दुसऱ्या उमेदवाराबाबत सांगितले की संजय पवार हे दुसऱ्या जागेसाठी उमेदवारी अर्ज भरत आहेत. मात्र, उमेदवारीबाबत अधिकृत घोषणा मुख्यमंत्री व शिवसेना पक्षप्रमुख उद्धव ठाकरे करतील.छत्रपती संभाजीराजे यांचा आम्ही सन्मान करतो. पण राजांइतकेच मावळेही महत्त्वाचे असतात, असेही ते म्हणाले. दरम्यान संभाजी राजेंच्या उमेदवारीवरून  मराठा क्रांती मोर्चा आक्रमक होत असून मराठा क्रांती मोर्चेचे समन्वयक अंकुश कदम यांनी प्रसारमाध्यमांसाठी जारी केलेल्या व्हिडीओमधून संजय राऊत यांना इशारा दिलाय. “छत्रपतींच्या अपक्ष उमेदवारीला संजय राऊत सातत्याने विरोध करताना दिसत आहेत. एकीकडे प्रियंका चतुर्वेदी, उर्मिला मातोंडकर यांना कुठल्याही प्रकारच्या अटी शर्थी न घालता राज्यसभेवर पाठवण्याची तयारी दाखवता आणि ज्या छत्रपतींच्या नावावरती एवढं वर्ष राजकारण करत आहेत, सत्ता भोगत आहेत (त्यांनाच विरोध करता.) या शिवसेनेचा ‘शिव’च आमच्या छत्रपतींचा आहे, असं असताना देखील संजय राऊत हे सातत्याने विरोध करताना दिसत आहेत,” असं म्हणत मराठा क्रांती मोर्चाने शिवसेनेविरोधात नाराजी व्यक्त केलीय. पुढे बोलताना अंकुश कदम यांनी थेट शिवसेनेचे प्रवक्ते आणि खासदार असणाऱ्या संजय राऊतांना इशारा दिलाय. “संजय राऊत तुमचा हा सत्तेचा माज महाराष्ट्रातील शिवप्रेमी जनता उतरवल्याशिवाय राहणार नाही. २०२४ ला तुम्हाला याची राजकीय किंमत मोजावी लागेलच पण छत्रपती संभाजीराजे अपक्षच निवडणूक लढवणार,” असं कदम म्हणाले संभाजीराजे हे अद्यापही शिवसेनेत प्रवेश करण्यास अनुकूल नाहीत. येत्या दोन दिवसांत संभाजीराजे यांच्याबद्दल अंतिम निर्णय घेतला जाईल, असे शिवसेनेच्या गोटातून सांगण्यात आले.

अजून बातम्या वाचा..

केंद्रापाठोपाठ राज्य सरकारचीही कर्मचाऱ्यांना भेट; महागाई भत्ता तीन टक्क्यांनी वाढवला

केंद्रापाठोपाठ राज्य सरकारचीही कर्मचाऱ्यांना भेट; महागाई भत्ता तीन टक्क्यांनी वाढवला

केंद्र सरकारने केंद्रीय कर्मचाऱ्यांना देण्यात येणाऱ्या महागाई भत्त्यामध्ये वाढ केल्यानंतर आता...

read more
सतिश भाऊ केदारे यांच्या वाढदिवसानिमित्त ०१ एप्रिल २०२२ रोजी भव्य रक्तदान शिबिर

सतिश भाऊ केदारे यांच्या वाढदिवसानिमित्त ०१ एप्रिल २०२२ रोजी भव्य रक्तदान शिबिर

ऑल इंडिया एससी एसटी रेल्वे एम्प्लाईज असोसिएशन चे झोनल सचिव सतिश भाऊ केदारे यांच्या वाढदिवसानिमित्त...

read more
उच्च शिक्षण ‘कला अध्यापन’ अभ्यासक्रमात कलाशिक्षक श्री.देव हिरे.यांच्या सुंदर फलक रेखाटनाचा समावेश.

उच्च शिक्षण ‘कला अध्यापन’ अभ्यासक्रमात कलाशिक्षक श्री.देव हिरे.यांच्या सुंदर फलक रेखाटनाचा समावेश.

कला विषयाचे ए.टी.डी.,डिप. ए.एड., ए.एम., डी.एड. या उच्च शिक्षणातील 'कला अध्यापन' अध्यापन पुस्तिकेची...

read more
चांदवड तंत्रनिकेतनात शिक्षकांसाठी प्रभावी शिक्षणासाठीचे साधने या विषयावर फॅकल्टी डेव्हलपमेंट प्रोग्राम ई-प्रणाली द्वारे संपन्न

चांदवड तंत्रनिकेतनात शिक्षकांसाठी प्रभावी शिक्षणासाठीचे साधने या विषयावर फॅकल्टी डेव्हलपमेंट प्रोग्राम ई-प्रणाली द्वारे संपन्न

चांदवड येथील श्री नेमिनाथ जैन ब्रह्रमचर्याश्रम संचालित श्री एच एच जे बी तंत्रनिकेतन अंतर्गत...

read more
नांदगाव भूमी अभिलेख कार्यालयात लाचलुचपत विभागाची कारवाई, लाच स्वीकारताना रंगेहाथ पकडले

नांदगाव भूमी अभिलेख कार्यालयात लाचलुचपत विभागाची कारवाई, लाच स्वीकारताना रंगेहाथ पकडले

नांदगाव येथील भूमी अभिलेख कार्यालयात आज दुपारी लाच लुचपत विभाग धुळे च्या अधिकाऱ्यांनी यशस्वी सापळा...

read more
भारतीयांनी महामानव डॉ. बाबासाहेब आंबेडकरांचे कृतज्ञ राहिले पाहिजे : ते जर नसते तर आजचा भारत कदाचित राहिला नसता : नितीन वैद्य

भारतीयांनी महामानव डॉ. बाबासाहेब आंबेडकरांचे कृतज्ञ राहिले पाहिजे : ते जर नसते तर आजचा भारत कदाचित राहिला नसता : नितीन वैद्य

ऐतिहासिक मुक्तिभुमी स्मारक व मुक्तिभूमी सार्वजनिक वाचनालय व कर्डक अभ्यासिकेस दिली सदिच्छा भेटस्टार...

read more
[hsas-shortcode group="" speed="10" direction="left" gap="50"]