चांदवड: येथील श्री नेमीनाथ जैन ब्रह्मचर्याश्रम संचलित श्री एच.एच.जे.बी. पॉलिटेक्निक महाविद्यालयात शैक्षणिक वर्ष २०२२-२3 करिता प्रथम व थेट द्वितीय वर्ष डिप्लोमा (पदविका) प्रवेशासाठी प्रवेश सुविधा केंद्र (Facilitation Center) म्हणून तंत्रशिक्षण संचालनालय, मुंबई यांच्याकडून मान्यता मिळालेली आहे.
दि. ०२/०६/२०२२ रोजी झालेल्या तंत्रशिक्षण विभागाची बैठक संपन्न झाली. त्यात दहावीच्या निकाल लागण्यापूर्वीच तंत्रनिकेतनात प्रवेशासाठी विद्यार्थ्यांकडून ऑनलाईन अर्ज भरण्याची प्रक्रिया सुरु करण्यास अनुमती देण्यात आली आहे. सर्व 10 वीची परीक्षा दिलेल्या विद्यार्थ्यांना सुचीत करण्यात येते कि, येत्या दोन ते तीन दिवसात याबाबतचे dte वेबसाईटवर पॉलिटेक्निक प्रवेशाबाबत नियमावली व माहितीपुस्तिका उपलब्ध होणार आहे. तसेच डिप्लोमा (पदविका) प्रवेशासाठी कुठलीही (CET) प्रवेश परीक्षा नाही- याबाबतचे परीपत्रक तंत्रशिक्षण मंडळाकडून काढण्यात येणार आहे. ऑनलाईन अर्ज भरतेवेळी दहावीचा बैठक क्रमांक लागणार आहे व तो आपल्या शाळेतून मिळवू शकतात. सोबत फक्त ई-मेल आयडी, मोबाईल नंबर व डेबिट कार्ड/क्रेडीट कार्ड / UPI/Internet बँकिंग आवश्यक आहे.
ऑनलाईन अर्ज करण्यासाठी आता गुणपत्रिका व शाळा सोडल्याचा दाखल्याची सद्या गरज नाही. त्यामुळे दहावीच्या व बारावीच्या विद्यार्थ्यांनी निकालाची वाट न पाहता व ऑनलाईन अर्ज त्वरित भरावेत असे आवाहन पॉलिटेक्निकचे प्राचार्य डॉ. व्ही.ए. वानखेडे यांनी केले आहे.
तरी प्रवेश प्रक्रियेसाठी समन्वयक प्रा.एच.आर. मेतकर मोबाईल क्रमांक ९४०४७८८५५१ व प्रा. ए. एस. अजमेरे ९४२२३२२५७७ यांच्याशी संपर्क साधावा. विश्वस्त समितीचे अध्यक्ष मा.श्री बेबीलालजी संचेती व विश्वस्त समितीचे उपाध्यक्ष मा. श्री दिनेशजी लोढा, मानद सचिव मा.श्री जवाहरलालजी आबड, प्रबंध समितीचे अध्यक्ष मा.श्री अजीतकुमारजी सुराणा, प्रबंध समितीचे उपाध्यक्ष आणि तंत्रनिकेतनाचे समन्वयक मा. श्री अरविंदकुमारजी भन्साळी, सह मानद सचिव मा.श्री. झुंबरलालजी भंडारी, व तंत्रनिकेतनाचे मुख्य समन्वयक तथा प्रबंध समिती सदस्य मा. श्री राजेंद्रकुमारजी बंब यांनी प्रवेश सुविधा केंद्र (Facilitation Center) मिळाले म्हणुन सर्वांचे अभिनंदन करून समाधान व्यक्त केले.
