Breaking News

[post-marguee]

[ays_poll id=7]

नाशिक मंडळामध्ये वीजचोरीविरुद्ध मोहीम एकाच दिवसात २६१ जणांवर कारवाई ; मोहिमेतील पथकांमध्ये अभियंते, जनमित्रांचा समावेश

Jun 11, 2022

नाशिक: दि. १० जून २०२२ वीजचोरी व अनधिकृत वापराविरोधात महावितरण गंभीर असून, याविरोधात ठोस पाऊले उचलीत कारवाईचे सत्र सातत्याने सुरु ठेवीत ०८ जून २०२२ या एकाच दिवशी राबविण्यात आलेल्या विशेष मोहिमेमध्ये महावितरणच्या नाशिक मंडळात पथकाने वीज चोरी व गैरवापर करणाऱ्याविरुद्ध आकस्मिक कारवाई केली. यामध्ये २ हजार ४४ विद्युत ग्राहकांची मीटर तपासणी करण्यात येऊन त्यामध्ये नाशिक शहर १ व २, नाशिक ग्रामीण आणि चांदवड या चारही विभागामध्ये भारतीय विद्युत कायद्याच्या कलम १३५ नुसार २३६ जणांवर तर कलम १२६ नुसार २५ ग्राहकांवर अशा एकूण २६१ जणांवर कारवाई करण्यात आली आहे .
वीजहानी, गळती व वीजचोरी कमी करण्यासाठी जिल्ह्यात महावितरण सातत्याने प्रयत्नशील असून नाशिक परिमंडळाचे मुख्य अभियंता दिपक कुमठेकर यांच्या मार्गदर्शनाखाली नाशिक मंडळाचे अधिक्षक अभियंता ज्ञानदेव पडळकर यांच्या नेतृत्वाखाली कार्यकारी अभियंते धनंजय आहेर, माणिकलाल तपासे, राजाराम डोंगरे, रवींद्र आव्हाड यांचेसह विविध पथकामध्ये अभियंते, अधिकारी, कर्मचारी व जनमित्र यांनी या मोहिमेत सहभाग घेतला..
वीज मिटरमध्ये हस्तक्षेप करून थेट वीजचोरी करणाऱ्यांवर भारतीय विद्युत कायद्याच्या कलम १३५ नुसार कारवाई करण्यात आली यामध्ये नाशिक शहर १ मध्ये ०६, नाशिक शहर २ मध्ये ६२, नाशिक ग्रामीण मध्ये ९८, चांदवड मध्ये ७० जणांवर कारवाई करण्यात आली.
तर विजेचा गैरवापर व घेतलेल्या कारणाशिवाय दुस-या कारणासाठी वापर करीत असल्याचे आढळून आलेल्याविरुद्ध भारतीय विद्युत कायद्याच्या कलम १२६ नुसार कारवाई करण्यात आली. यामध्ये नाशिक शहर १ मध्ये ०५, नाशिक शहर २ मध्ये ०८, नाशिक ग्रामीण मध्ये ७, चांदवड मध्ये ५ जणांवर कारवाई करण्यात आली अशा प्रकारे एकूण कलम १३५ व कलम १२६ नुसार २६१ जणांवर कारवाई करण्यात आली आहे.
यामध्ये नाशिक मंडळातील २ हजार ४४ विद्युत ग्राहकांची मीटर तपासणी करण्यात आली होती. या मोहिमेमध्ये वीज देयक न भरणाऱ्या ज्या ग्राहकांचा वीज पुरवठा खंडित करण्यात आला होता अशा ठिकाणी सुद्धा बेकायदेशीर वीज वापर करताना आढळल्याने त्यांचे विरुद्ध सुद्धा कारवाई करण्यात आली.
वीजचोरी व गैरप्रकार याविरोधात महावितरण गंभीर असून यापुढे सुद्धा अशाप्रकारे गोपनीय पद्धतीने, सामूहिकरीत्या आणि सातत्याने आकस्मिक कारवाई करण्यात येणार आहे. तरी ग्राहकांनी वीजचोरी, अनधिकृत व गैरवापर टाळून अधिकृत वीज जोडणी घेण्याचे आवाहन महावितरणने केले आहे.

अजून बातम्या वाचा..

कोविड काळातील घरपट्टीवरील व्याज माफ करण्यात यावे; मनमाड राष्ट्रवादी तर्फे पालकमंत्री ना.भुजबळ यांना निवेदन

कोविड काळातील घरपट्टीवरील व्याज माफ करण्यात यावे; मनमाड राष्ट्रवादी तर्फे पालकमंत्री ना.भुजबळ यांना निवेदन

कोविड काळातील घरपट्टीवरील व्याज माफ करण्यात यावे या आशयाचे निवेदन राष्ट्रवादी काँग्रेस पक्षातर्फे...

read more
हेराक्लिओन ग्रीस येथील जागतिक ज्युनिअर वेटलिफ्टिंग स्पर्धेसाठी तृप्ती पाराशर हिची निवड

हेराक्लिओन ग्रीस येथील जागतिक ज्युनिअर वेटलिफ्टिंग स्पर्धेसाठी तृप्ती पाराशर हिची निवड

हेराक्लिओन ग्रीस येथे होणाऱ्या जागतिक ज्युनिअर वेटलिफ्टिंग स्पर्धेसाठी भारतीय ज्युनिअर मुलींच्या...

read more
आ. मिटकरी यांनी माफी न मागितल्यास जिल्ह्यात फिरकू देणार नाही : ब्राम्हण समाजाचा इशारा

आ. मिटकरी यांनी माफी न मागितल्यास जिल्ह्यात फिरकू देणार नाही : ब्राम्हण समाजाचा इशारा

आमदार अमोल मिटकरी यांनी ब्राम्हण समाजाची टिंगल करत खिल्ली उडविल्याचा निषेधार्थ येथील संतप्त...

read more
रेल्वेच्या इंधन टँकरमधून डिझेल-पेट्रोलची चोरी उघड;  कर्मचाऱ्यासह त्याच्या पुतण्याला अटक

रेल्वेच्या इंधन टँकरमधून डिझेल-पेट्रोलची चोरी उघड; कर्मचाऱ्यासह त्याच्या पुतण्याला अटक

मनमाड : येथून जवळ असलेल्या पानेवाडी इंधन कंपनीच्या भागात रेल्वेच्या इंधन टँकरमधून डिझेल -...

read more
राष्ट्रसंत सुधारकांच्या जैव-विचार नात्यांची वीण गुंफत रंगला आंबेडकरी शाहिरी जलसा

राष्ट्रसंत सुधारकांच्या जैव-विचार नात्यांची वीण गुंफत रंगला आंबेडकरी शाहिरी जलसा

विश्वरत्न बोधिसत्व डॉ बाबासाहेब आंबेडकर यांच्या 131 व्या जयंतीच्या निमित्ताने भीमनगर चिचोंडी बु...

read more
[hsas-shortcode group="" speed="10" direction="left" gap="50"]