Breaking News

[post-marguee]

[ays_poll id=7]

नाशिक मंडळामध्ये वीजचोरीविरुद्ध मोहीम एकाच दिवसात २६१ जणांवर कारवाई ; मोहिमेतील पथकांमध्ये अभियंते, जनमित्रांचा समावेश

Jun 11, 2022

नाशिक: दि. १० जून २०२२ वीजचोरी व अनधिकृत वापराविरोधात महावितरण गंभीर असून, याविरोधात ठोस पाऊले उचलीत कारवाईचे सत्र सातत्याने सुरु ठेवीत ०८ जून २०२२ या एकाच दिवशी राबविण्यात आलेल्या विशेष मोहिमेमध्ये महावितरणच्या नाशिक मंडळात पथकाने वीज चोरी व गैरवापर करणाऱ्याविरुद्ध आकस्मिक कारवाई केली. यामध्ये २ हजार ४४ विद्युत ग्राहकांची मीटर तपासणी करण्यात येऊन त्यामध्ये नाशिक शहर १ व २, नाशिक ग्रामीण आणि चांदवड या चारही विभागामध्ये भारतीय विद्युत कायद्याच्या कलम १३५ नुसार २३६ जणांवर तर कलम १२६ नुसार २५ ग्राहकांवर अशा एकूण २६१ जणांवर कारवाई करण्यात आली आहे .
वीजहानी, गळती व वीजचोरी कमी करण्यासाठी जिल्ह्यात महावितरण सातत्याने प्रयत्नशील असून नाशिक परिमंडळाचे मुख्य अभियंता दिपक कुमठेकर यांच्या मार्गदर्शनाखाली नाशिक मंडळाचे अधिक्षक अभियंता ज्ञानदेव पडळकर यांच्या नेतृत्वाखाली कार्यकारी अभियंते धनंजय आहेर, माणिकलाल तपासे, राजाराम डोंगरे, रवींद्र आव्हाड यांचेसह विविध पथकामध्ये अभियंते, अधिकारी, कर्मचारी व जनमित्र यांनी या मोहिमेत सहभाग घेतला..
वीज मिटरमध्ये हस्तक्षेप करून थेट वीजचोरी करणाऱ्यांवर भारतीय विद्युत कायद्याच्या कलम १३५ नुसार कारवाई करण्यात आली यामध्ये नाशिक शहर १ मध्ये ०६, नाशिक शहर २ मध्ये ६२, नाशिक ग्रामीण मध्ये ९८, चांदवड मध्ये ७० जणांवर कारवाई करण्यात आली.
तर विजेचा गैरवापर व घेतलेल्या कारणाशिवाय दुस-या कारणासाठी वापर करीत असल्याचे आढळून आलेल्याविरुद्ध भारतीय विद्युत कायद्याच्या कलम १२६ नुसार कारवाई करण्यात आली. यामध्ये नाशिक शहर १ मध्ये ०५, नाशिक शहर २ मध्ये ०८, नाशिक ग्रामीण मध्ये ७, चांदवड मध्ये ५ जणांवर कारवाई करण्यात आली अशा प्रकारे एकूण कलम १३५ व कलम १२६ नुसार २६१ जणांवर कारवाई करण्यात आली आहे.
यामध्ये नाशिक मंडळातील २ हजार ४४ विद्युत ग्राहकांची मीटर तपासणी करण्यात आली होती. या मोहिमेमध्ये वीज देयक न भरणाऱ्या ज्या ग्राहकांचा वीज पुरवठा खंडित करण्यात आला होता अशा ठिकाणी सुद्धा बेकायदेशीर वीज वापर करताना आढळल्याने त्यांचे विरुद्ध सुद्धा कारवाई करण्यात आली.
वीजचोरी व गैरप्रकार याविरोधात महावितरण गंभीर असून यापुढे सुद्धा अशाप्रकारे गोपनीय पद्धतीने, सामूहिकरीत्या आणि सातत्याने आकस्मिक कारवाई करण्यात येणार आहे. तरी ग्राहकांनी वीजचोरी, अनधिकृत व गैरवापर टाळून अधिकृत वीज जोडणी घेण्याचे आवाहन महावितरणने केले आहे.

अजून बातम्या वाचा..

सेंट झेवियर हायस्कूल मध्ये छत्रपती शिवाजी महाराजांची जयंती मोठ्या उत्साहात संपन्न

सेंट झेवियर हायस्कूल मध्ये छत्रपती शिवाजी महाराजांची जयंती मोठ्या उत्साहात संपन्न

मनमाड येथील सेंट झेवियर हायस्कूल मध्ये छत्रपती शिवाजी महाराजांची जयंती मोठ्या उत्साहात संपन्न...

read more
मनमाड शहर भाजपा व्यापारी आघाडी तर्फे मालमत्ता कर व पाणी पट्टी कर आकारणी वरील व्याज माफ करण्याची मागणी

मनमाड शहर भाजपा व्यापारी आघाडी तर्फे मालमत्ता कर व पाणी पट्टी कर आकारणी वरील व्याज माफ करण्याची मागणी

मार्च 2020 ते मार्च 2022 या चोवीस महिन्याच्या कालावधीत संपूर्ण देशात कोरोना संकट आले त्याला मनमाड...

read more
हाडबीची शेंडी गिर्यारोहक दुर्घटना – पर्यटन संचालनालयाने घेतली दखल, इंद्रप्रस्थ ट्रेकर्सला बजावली नोटीस

हाडबीची शेंडी गिर्यारोहक दुर्घटना – पर्यटन संचालनालयाने घेतली दखल, इंद्रप्रस्थ ट्रेकर्सला बजावली नोटीस

मनमाड शहराजवळील हाडबिची शेंडी या सुळक्यावर २ फेब्रुवारी रोजी अहमदनगरच्या इंद्रप्रस्थ ट्रेकर्स...

read more
जलसंवर्धन आणि श्रमसंस्काराचे महत्त्व समजलेल्या  मनमाड महाविद्यालयाच्या राष्ट्रीय सेवा योजनेचे विशेष  श्रमसंस्कार शिबीर संपन्न

जलसंवर्धन आणि श्रमसंस्काराचे महत्त्व समजलेल्या मनमाड महाविद्यालयाच्या राष्ट्रीय सेवा योजनेचे विशेष श्रमसंस्कार शिबीर संपन्न

महात्मा गांधी विद्यामंदिर संचालित कला, विज्ञान आणि वाणिज्य महाविद्यालय मनमाड या महाविद्यालयाचे...

read more
येवल्याचे माजी नगराध्यक्ष भोलाशेठ लोणारी, भाजपचे माजी नगरसेवक सुनील काबरा यांसह विविध पक्षाच्या पदाधिकाऱ्यांचा राष्ट्रवादीत प्रवेश

येवल्याचे माजी नगराध्यक्ष भोलाशेठ लोणारी, भाजपचे माजी नगरसेवक सुनील काबरा यांसह विविध पक्षाच्या पदाधिकाऱ्यांचा राष्ट्रवादीत प्रवेश

आज येवला येथील संपर्क कार्यालयात राज्याचे अन्न ,नागरी व पुरवठा व ग्राहक संरक्षण मंत्री तथा नाशिक...

read more
[hsas-shortcode group="" speed="10" direction="left" gap="50"]