मनमाड येथील के आर टी शाळेत राजमाता जिजाऊ यांची पुण्यतिथी साजरी करण्यात आली. शाळेचे मुख्याध्यापक दीपक व्यवहारे यांच्या हस्ते प्रतिमा पूजन करण्यात आले तर विश्वस्त धनंजय निंभोरकर यांच्या हस्ते प्रतीमेस पुष्पहार अर्पण करण्यात आला. छत्रपती शिवाजी महाराज यांना ज्ञान,चारित्र्य,चातुर्य,संघटन,आणि पराक्रमाचे बाळकडू देणाऱ्या राजमाता जिजाऊ यांच्यावर अत्यंत कमी वयात कौटुंबिक जबाबदारी पडली होती अशा या थोर मातेस विनम्र अभिवादन करण्यासाठी श्रावणी खैरनार या विद्यार्थिनीने आपले मनोगत व्यक्त केले. शाळेचे प्राचार्य मुकेश मीसर,उपप्राचार्य वैभव कुलकर्णी, शिक्षक, शिक्षकेतर कर्मचारी आदी उपस्थित होते.



