महाराष्ट्र विधानसभेच्या विशेष अधिवेशनाच्या आजच्या दुसऱ्या दिवशी एकनाथ शिंदे सरकारकडून विश्वासदर्शक मांडण्यात आला. सुधीर मुनगंटीवार यांनी विश्वासदर्शक ठराव मांडला आणि त्याला भरत गोगावले यांनी अनुमोदन दिलं. सुरुवातीला आवाजी मतदान झाल्यानंतर प्रत्यक्ष मतमोजणी करण्यात आली. यावेळी भाजपा-शिंदे सरकारने १६४ मतांसहित बहुमताचा आकडा पार केला आणि विश्वासदर्शक ठराव जिंकला. तर महाविकास आघाडीच्या पारड्यात केवळ ९९ मतं पडली. विरोधी पक्षाला काल पेक्षा आज ९ मत कमी पडली.
बहुमत चाचणीपूर्वी माजी मुख्यमंत्री उद्धव ठाकरे यांना दोन धक्के बसले. कट्टर शिवसैनिक संतोष बांगर सह शाम सुंदर शिंदे हे दोघे शिंदे गटात सामील झाले आहेत. काल संतोष बांगर यांनी विधानसभा अध्यक्षपदाच्या निवडणुकीत विरोधात मतदान केले होते. आज बांगर यांनी शिंदे यांच्या बाजूने मतदान केले.
