आदित्य ठाकरे गुरुवारी नाशकात ; शुक्रवारी शिवसंवाद यात्रेचे आयोजन

मुख्यमंत्री एकनाथ शिंदे यांनी शिवसेनेतील ४० आमदारांसह स्वतंत्र गट निर्माण करून शिवसेनेला आव्हान दिल्यानंतर राज्यातील विविध जिल्ह्यांमध्ये चाचपणी करण्यासाठी युवासेना प्रमुख आदित्य ठाकरे हे आता मैदानात उतरले असून त्याच अनुषंगाने गुरुवार दिनांक २१ जुलै रोजी सायंकाळी नाशिक येथे येणार असून प्रमुख पदाधिकाऱ्यांशी भेटी घेऊन दुसऱ्या दिवशी शुक्रवार दिनांक २२ जुलै रोजी निफाड,मनमाड,नांदगाव,दाभाडी,दिंडोरी,येवला असा दौरा करणार आहे. या शिवसंवाद यात्रेच्या पार्श्वभूमीवर शिवसेनेकडून जोरदार शक्तिप्रदर्शन करण्याची तैयारी सुरू झाली आहे.