मनमाड शहर भाजपा तर्फे भारतीय स्वातंत्र्यलढ्यातील सर्व क्रांतीवीरांना आदरांजली वाहण्यासाठी स्वातंत्र्याच्या अमृत महोत्सव वर्षा निमित्ताने रविवार १४ऑगस्ट२०२२ रोजी अखंड भारतदिना निमित भव्य रक्तदान शिबीराचे आयोजन करण्यात आले आहे. मनमाड शहर भाजप मंडलाच्या वतीने सन 2005 पासून भारतीय स्वातंत्र्यलढ्यातील सर्व ज्ञात अज्ञात क्रांतीकारकांना (शहिदांना) रक्तदानाने आदरांजली देण्यासाठी रक्तदान शिबीराचे आयोजन करण्यात येते. याच देशभक्तीच्या परंपरेला अखंडपणे सुरु ठेवत यंदाही स्वातंत्र्य च्या अमृत महोत्सव वर्षा निमित्ताने सलग १८ व्या वर्षी रविवार दि.१४ ऑगस्ट २०२२ रोजी सकाळी 9.30 ते 3.00 वाजेपर्यंत लोकमान्य सभागृह, इंडियन हायस्कुल येथे भव्य रक्तदान शिबीराचे आयोजन मनमाड शहर भाजपतर्फे करण्यात आले आहे. तरी या रक्तदान शिबीरात मनमाड शहर व परिसरातील सर्व ऐच्छिक रक्तदात्यांनी येवून भारतीय स्वातंत्र्यलढ्यातील शहिदांना रक्तदानाने आदरांजली वाहावी असे आवाहन रक्तदान शिबीराचे निमंत्रक ,भाजप मनमाड शहर अध्यक्ष जयकुमार फुलवाणी व रक्तदान शिबिर संयोजक भाजपा नासिक जिल्हा उपाध्यक्ष नितीन पांडे यांनी केले आहे. रक्तसंकलन जनकल्याण रक्तपेढी नाशिक करणार आहे.
शिवसेना उद्धव बाळासाहेब ठाकरे गटाच्या गटनेतेपदी नाईक तर विरोधी पक्षनेतेपदी नरवडे
नाशिक येथे झालेल्या बैठकीत मनमाड नगर परिषदेच्या शिवसेना उद्धव बाळासाहेब ठाकरे गटाच्या गटनेतेपदी...
