नांदगाव : नांदगाव शहरातील जे. टी. कासलीवाल इंग्लिश मीडियम स्कूल मध्ये राष्ट्रीय क्रीडा दिन जल्लोषात आणि उत्साहात साजरा करण्यात आला.
यावेळी हॉकीचे जादूगार मेजर ध्यानचंद यांचा जन्मदिवस राष्ट्रीय क्रीडा दिन म्हनून साजरा करण्यात आला यावेळी विद्यालयातील शालेय क्रिडा मंत्री अनुष्का सोनवणे या विद्यार्थ्यीनीच्या हातून प्रतिमा पूजन व पुष्पहार अर्पन करून अभिवादन करण्यात आले. खेळल्यामुळे आपले शरीर तंदुरुस्त राहते म्हणून आपण दररोज भरपूर खेळलेच पाहिजे. असा संदेश यावेळी देण्यात आला. या निमित्ताने शाळेत खो-खो, कबड्डी सामन्यांचे आणि रिले स्पर्धेचे आयोजन करण्यात आले होते. यावेळी स्पर्धेक विद्यार्थ्यांचा उत्साह अवर्णनीय होता.
शाळेचे मुख्याध्यापक श्री. मनी चावला सर यांनी या कार्यक्रमानिमित्त विविध खेळांची माहिती दिली. क्रीडा शिक्षक अशोक बागुल यांनी हॉकी खेळाचे नियम समजावून मेजर ध्यानचंद यांची हॉकी खेळातील जागतिक कामगिरीची माहिती दिली.
सर्व स्पर्धक विद्यार्थ्यांना राष्ट्रीय क्रीडा दिनानिमित्त संस्थेचे चेअरमन श्री. सुनीलकुमार कासलीवाल तसेच संस्थेचे सेक्रेटरी विजय चोपडा, जुगलकिशोर अग्रवाल, रिखबचंद कासलीवाल, महेंद्र चांदीवाल,सर्व पदाधिकारी, प्रशासन अधिकारी प्रकाश गुप्ता, प्रिन्सिपल मनी चावला सर, शिक्षक व शिक्षकेतर कर्मचारी यांनी शुभेच्छा दिल्या.
