लासलगाव सराफ असोसिएशनचे अध्यक्ष तथा सामाजिक कार्यकर्ते संतोष दिंडोरकर यांनी लासलगाव शहरातील नागरिकांसाठी ना नफा ना तोटा या तत्त्वावर नाममात्र शुल्क आकारून पाण्याच्या एटीएमद्वारे शुद्ध पाणीपुरवठा करण्याचा उपक्रम सुरू केला असून, परिसरातील नागरिकांनी या शुद्ध पाण्याचा लाभ घ्यावा, असे आवाहन संतोष दिंडोरकर यांनी केले आहे.
लासलगाव शहरात होणारा पाणीपुरवठा तांत्रिक कारणांमुळे उशिराने होत आहे तसेच सध्या पावसाळ्याचे दिवस असल्याने नळांद्वारे येणारे पाणी हे अशुद्ध असल्याने साथीचे रोग पसरण्याची दाट शक्यता आहे. ही परिस्थिती लक्षात घेऊन सुवर्णकार तसेच सामाजिक कार्यकर्ते संतोष दिंडोरकर यांनी लासलगाव शहरातील नागरिकांसाठी ना नफा ना तोटा या तत्त्वावर पाण्याच्या एटीएमद्वारे पाच रुपयांत दहा लिटर व दहा रुपयांत वीस लिटर शुद्ध पाण्याचा पाणीपुरवठा सुरू केला आहे.
या उपक्रमाच्या शुभारंभप्रसंगी सचिन मालपाणी, गोटुशेठ बकरे, दीपक खैरे, संदीप उगले, अजहर पठाण, संजय सोनवणे, संजय खरोटे, मुन्ना भाई, राधेश्याम वर्मा, जगदीश वडनेरे, सन्नी छाबडा, यश पवार, संतोष दिंडोरकर, गणेश दिंडोरकर, श्रीराम दिंडोरकर व परिवार उपस्थित होता.
