नांदगाव सोमनाथ घोंगाणे
शिक्षकनेते स्व.आण्णासाहेब गंगाधर शिवराम आहेर प्राथमिक शिक्षक सहकारी पतसंस्था मर्या. नांदगाव, वार्षिक सर्वसाधारण सभा प्रसंगी नांदगाव रत्न पुरस्कार व यशस्वी विद्यार्थी आणि शिक्षकांना गौरविण्यात आले. या कार्यक्रमाचे प्रमुख पाहुणे म्हणून आमदार सुहास आण्णा कांदे व सौ.अंजुमताई कांदे उपस्थित होते.
या वेळी संस्थेचे चेअरमन श्री मवाळ सर यांनी आमदार सुहास आण्णा कांदे यांचा सत्कार केला.
समाजसेवक, विलास कटारे, मनमाड यांना त्यांच्या उल्लेखनीय समाजकार्यासाठी नांदगाव रत्न पुरस्काराने सन्मानित करण्यात आले.
या वेळी बोलतांना पुरस्कारार्थी मान्यवरांचे व विद्यार्थ्यांचे अभिनंदन करत शिक्षक हा आयुष्यातील महत्वाचा घटक म्हणून पहिला जातो याचा मला नितांत आदर असल्याचे आमदार सुहास आण्णा कांदे म्हणाले. निवडणुकी नंतर मी संपूर्ण मतदारसंघाचा आमदार आहे आणि राजकारण विसरून सर्व नागरिकांच्या समस्या सोडवणे हे माझे कर्तव्य असल्याचे सांगितले. त्यांनी नव निर्वाचित संचालक मंडळास शुभेच्छा दिल्या.
या प्रसंगी मंचावर माजी नगराध्यक्ष राजेश कवडे मा.सभापती विलास आहेर, जी.प सदस्य रमेश बोरसे, प्रमोद भाबड, किरण देवरे, गटशिक्षण अधिकारी श्री चिंचोले, विस्तार अधिकारी बोधले मॅडम, पाटील सर, महेंद्र जाधव सर, शिवसेना महिला शहर प्रमुख रोहिणी मोरे सर्व संचालक मंडळ व मोठ्या संख्येने सदस्य उपस्थित होते.
