मनमाड 🙁 योगेश म्हस्के)येथील दिंडोरी प्रणित श्री स्वामी समर्थ अध्यात्मिक आणि बालसंस्कार केंद्राच्या वतीने आय.यु.डी.पी. परिसरामध्ये मनमाड नगर परिषदेच्या वतीने नव्याने विकसीत होणाऱ्या उद्यानामध्ये वृक्षरोपण अभियान राबविण्यात आले.
अखिल भारतीय श्री स्वामी समर्थ गुरूपीठ , त्र्यंबकेश्वर आणि बालसंस्कार व युवा प्रबोधन विभाग आयोजित महावृक्षारोपण आणि संवर्धन अभियाना अंतर्गत एक सेवेकरी एक झाड संकल्पनेद्वारे दि.1 जुन 2022 ते 30 सप्टेंबर 2025 या तीन वर्षांत संपुर्ण राज्यामध्ये 1 कोटी स्वदेशी झाडे लावण्याचा संकल्प करण्यात आलेला आहे. आज शहरामध्ये याच अभियानाचा भाग म्हणुन मनमाड येथील श्री स्वामी समर्थ सेवा केंद्राच्या वतीने गुरुपुत्र श्री नितीन भाऊ मोरे यांच्या प्रमुख उपस्थितीत वृक्षारोपण करण्यात आले. यावेळी यांनी उपस्थित सेवेकऱ्यांना स्वदेशी वड, पिंपळ,कडुलिंब औदुंबर, बेल,तुळस इत्यादी झाडांचे ,वृक्षारोपणाचे महत्व सांगुन मार्गदर्शन केले .
या कार्यक्रमाला शहरातील प्रमुख मान्यवर , श्री स्वामी समर्थ सेवा केंद्राचे पुरुष आणि महिला तसेच बालसंस्कारातील बाल सेवेकरी उपस्थित होते.