मनमाड शहरातील स्मशानभूमीची झालेली दुरावस्था व नागरिकांची होणारी गैरसोय बाबत शहरातील संघटनांनी दुरुस्तीची मागणी केली होती. आमदार कांदे यांनी त्वरित या मागणी दखल घेऊन नगर पालिकेचे मुख्याधिकारी सचिन पटेल यांना काम सुरू करण्याचे आदेश दिले होते. मोडकळीस आलेले ओटे आणि तुटलेल्या जाळ्या हे काम १५ दिवसात पूर्ण करत आमदार कांदे यांनी शब्द पाळला तसेच तेथे संध्याकाळ नंतर अंधाराचे साम्राज्य असायचे आता तिथे एल ई डी लाईट लावण्यात आले आहे. आमदार कांदे यांनी ह्या प्रश्र्नी दखल घेऊन नागरिकांच्या मागणीचा त्वरित पाठपुरावा करत स्मशानभूमीतील कामे पूर्ण केल्याबद्दल नागरिकांनी आमदार कांदे यांचे आभार मानले आहे.
