मनमाड नगर परिषद म्युनिसिपल कामगार सेनेच्या वतीने कर्मचाऱ्यांच्या विविध देय मागण्यांबाबत चे निवेदन सोमवार दिनांक ३/१०/२०२२ रोजी मुख्याधिकारी यांना देण्यात आले. २२ ऑक्टोंबर पासून सुरू होणाऱ्या दिवाळी सणाच्या पार्श्वभूमीवर पालिकेतील कायम,सेवा निवृत्त कर्मचारी व शिक्षिका मदतनीस यांच्या विविध मागन्यांचे निवेदन देण्यात आले. पालिकेतील कायम, सेवानिवृत्त कर्मचारी व बालवाडी शिक्षिका मदतनीस यांचे माहे ऑक्टोंबर चे वेतन दिवाळी सणापूर्वी अदा करण्यात यावा, कायम कर्मचाऱ्यांना दिवाळी सणानिमित्त शासन निर्णयानुसार तसेच मानधन शिक्षिका व मदतनीस यांना सण ॲडवान्स रू.५००० अदा करण्यात यावा, कायम व सेवानिवृत्त कर्मचाऱ्यांना ७ व्या वेतन आयोगाच्या फरकापोटी रुपये ३०००० अदा करण्यात यावे, नियमित वेतन श्रेणी लाभ प्रदान करणाऱ्या कर्मचाऱ्यांना दिवाळीपूर्वी बोनस/ सानुग्रह अनुदान देण्यात यावे, न.पा. कर्मचाऱ्यांना आश्र्वासित प्रगती योजनेचा लाभ मिळणे कामी न.पा.प्रशासनाने उपाययोजना कराव्यात, न.पा तील ५/०२/२०१९ पासून कायम करण्यात आलेल्या सर्व रोजंदार ३ व ४ यांना वेतनाची फरकाची रक्कम सणापूर्वी अदा करण्यात यावी, न.पा. तील सण २००५ नंतरची DCPS योजनेत बदल होऊन ती NPS योजना लागू झालेली आहे, कपात झालेल्या रकमेची माहिती व NPS ची सद्यस्थिती ची माहिती मिळावी, अनुकंपा तत्वावर उमेदवारांना नियुक्ती संदर्भात होणारा विलंब व असलेल्या तृटी न.पा.प्रशसाने मा.आयुक्त व संचालनायाशी पत्रव्यवहार करून अनुकंपा धारकांना न्याय मिळवून द्यावा ह्या प्रमुख मागण्यांचे निवेदन मुख्याधिकारी यांना देण्यात आले.निवेदनावर नितीन पाटील,आनंद औटी,किशोर व्यवहारे, बाळासाहेब दराडे,रवी थोरे आदींच्या सह्या आहेत. निवेदनाच्या प्रती आमदार कांदे तसेच जिल्हाधिकारी नाशिक यांना पाठविण्यात आल्या आहेत.
