नांदगाव सोमनाथ घोंगाणे
शहरातील जे. टी. कासलीवाल इंग्लिश मीडियम स्कूल मध्ये आकाश कंदील बनवण्याची अनोखी कार्यशाळा संपन्न झाली या उपक्रमाने सर्वांचे लक्ष वेधून घेतले. शाळेतील कलाशिक्षक निलेश पाटील यांच्या मार्गदर्शनाखाली मोठ्या संख्येने या उपक्रमात विद्यार्थ्यांनी सहभाग घेतला. विशेष म्हणजे ही कार्यशाळा पर्यावरण पूरक होती. कागदापासून बनविलेल्या आकाश कंदील मुलांना बनवण्यासाठी प्रोत्साहन देण्यात आले. या मागचा दृष्टिकोन म्हणजे विद्यार्थ्यांच्या कलागुणांना वाव मिळावा व त्याचबरोबर आपल्या कलेच्या माध्यमातून पर्यावरणाचे रक्षण व त्याची जपवणूक व्हावी हा होता. या उपक्रमात जवळजवळ 200 विद्यार्थ्यांनी अतिशय सुरेख असे आकाश कंदील बनवून आपला उत्स्फूर्त सहभाग नोंदविला. या कार्यक्रमास संस्थेचे पदाधिकारी श्री जुगल किशोर अग्रवाल व स्कूलचे प्राचार्य श्री मनी चावला उपस्थित होते.
शाळेने राबविलेल्या या उपक्रमाचे संस्थेचे चेअरमन सुनीलकुमार कासलीवाल ,सचिव विजय चोपडा, सरचिटणीस प्रमिलाताई कासलीवाल, जुगलकिशोर अग्रवाल, रिखबचंद कासलीवाल, महेंद्र चांदिवाल प्रशासकीय प्रमुख प्रकाश गुप्ता, स्कूलचे प्राचार्य मनी चावला यांनी कौतुक केले .व सर्व विद्यार्थ्यांना दिवाळीनिमित्त शुभेच्छा दिल्या.
हा कार्यक्रम यशस्वीतेसाठी। सर्व शिक्षक, शिक्षकेतर कर्मचारी, विद्यार्थी, पालक यांनी विशेष परिश्रम घेतले.
