मनमाड:- मनमाड येथील गुड शेफर्ड स्कूलने नांदगाव तालुका स्तरीय (१७ वर्षाआतील, मुले) क्रिकेट स्पर्धेत विजय संपादन केला.
दिनांक १२ नोव्हेंबर २०२२ रोजी नांदगाव येथील कला, विज्ञान आणि वाणिज्य महाविद्यालयात आंतरशालेय क्रिकेट स्पर्धेचे आयोजन करण्यात आले होते. नांदगाव तालूक्यातील सर्व शाळेतील विद्यार्थी या स्पर्धेत सहभागी झाले होते. अंतिम सामना न्यू इंग्लिश स्कूल नांदगाव व गुड शेफर्ड स्कूल मनमाड यांच्यामध्ये झाला व अंतिम सामन्यात गुड शेफर्ड स्कूल च्या खेळाडूंनी उत्कृष्ट खेळाचे प्रदर्शन करीत २२ धावांनी सामना जिंकला. संघाचे नेतृत्व इयत्ता.१० वी चा खेळाडू अंशुमन सरोदे याने केले. संघाला मार्गदर्शन क्रीडा शिक्षक श्री. व्यंकटेश देशपांडे सर व श्री. रिसम परविंदर ( लकी सर) यांनी केले.
गुड शेफर्ड स्कूलचे प्राचार्य डॉ. क्लेमेंट नायडू, शिक्षक व शिक्षकेत्तर कर्मचारी यांनी विद्यार्थ्यांचे अभिनंदन केले व पुढील वाटचालीस शुभेच्छा दिल्या.
