शिवसेना रुग्ण कल्याण समितीतर्फे गोवर आजारावर प्रतिबंधात्मक कारवाई होण्याबाबत वैद्यकीय अधिक्षक उपजिल्हा रुग्णालय मनमाड यांना निवेदन देण्यात आले.
उपजिल्हा रुग्णालय मनमाड येथील वैद्यकीय अधिक्षकांना सध्या राज्यभरात गोवर आजाराच्या साथीच्या प्रतिबंधात्मक उपाययोजना करण्यात यावी म्हणून गुरुवारी निवेदन देण्यात आले.
सध्या राज्यामध्ये गोवर आजाराने थैमान घातले असून हा आजार आता आपल्या जिल्ह्यासह ग्रामीण भागात वेगाने पसरत असून मनमाड शहरातील नागरीक कामधंद्यासाठी नाशिक, मालेगाव, जळगाव आदी शहरामध्ये ये-जा करीत असतात. त्यादृष्टीने शहरात हा रोग- येण्यास काहीही वेळ लागणार नसून या पार्श्वभुमीवर आपल्या रुग्णालयाने सतर्क होऊन आजारावर प्रतिबंधात्मक उपाययोजना करुन शहरातील आणि ग्रामीण भागातील जनतेस या रोगापासून लाबं ठेवता येईल,
त्याचप्रमाणे आपल्या रुग्णालयामध्ये स्वतंत्र संसर्गजन्य आजार प्रतिबंधात्मक कक्ष कार्यान्वीत करावे व उपाययोजना करावी.
अशी मागणी रुग्णकल्याण समितीच्या वतीने करण्यात आली.
या वेळी शिवसेना मनमाड शहर प्रमुख मयूर भाऊ बोरसे रुग्ण कल्याण समिती सदस्य दिनेश घुगे व महेंद्र गरूड उपस्थित होते.
