केंद्र सरकार च्या सर्व लोक कल्याणकारी योजनांचा नागरिकांनी पूर्ण लाभ घ्यावा : डॉ सचिनकुमार पटेल

केंद्र सरकार च्या सर्व लोक कल्याणकारी योजनांचा नागरिकांनी पूर्ण लाभ घ्यावा : डॉ सचिनकुमार पटेल पंतप्रधान स्व निधी कर्ज योजने अंतर्गत लाभार्थ्यांना कर्ज वितरण मनमाड – कोरोना संकट काळात अर्थ कारणाला मदत व्हावी म्हणून भारताचे पंतप्रधान नरेंद्र मोदी यांनी आत्मनिर्भर भारत ही महत्वकांक्षी योजना जाहीर केली.याच अंतर्गत येणाऱ्या पंतप्रधान स्व निधी कर्ज योजनाच्या 20 लाभार्थ्यांना एच डी एफ सी बँक मनमाड शाखे द्वारे प्रत्येकी रुपये 10000 /- स्व निधी कर्ज वाटप कार्यक्रम मनमाड नगरपालिकेच्या भारतरत्न डॉ बाबासाहेब आंबेडकर सभागृहात संपन्न झाला. या कार्यक्रमाचे अध्यक्ष स्थानीय योजने चे नूडल अधिकारी व मनमाड नगरपालिकेचे मुख्याधिकारी डॉ सचिनकुमार पटेल,हे होते तर प्रमुख अतिथी म्हणून भाजपा नाशिक जिल्हा उपाध्यक्ष नितीन पांडे, भाजपा मनमाड शहर अध्यक्ष जयकुमार फुलवाणी, भाजपा भटके विमुक्त आघाडी नाशिक जिल्हा सरचिटणीस व मनमाड नगरपरिषद पथ विक्रेता नियोजन समिती अकबर शाह, एच डी एफ सी बँक मनमाड व्यवस्थापक अमोल सैद,मनमाड शहर अभियान व्यवस्थापक संदीप अगोने, अशोक पाईक, इम्तियाज सैय्यद आदी मान्यवर मंचावर उपस्थित होते. संदीप अगोने यांनी सर्व मान्यवरांचे स्वागत व कार्यक्रम चे प्रास्ताविक केले. भाजपा जिल्हा उपाध्यक्ष नितीन पांडे यांनी एच डी एफ सी बँकेने मनमाड शहरात ही पंतप्रधान स्व निधी योजना ऑनलाईन पद्धतीने राबविली म्हणून त्यांचे कौतुक करीत शहारातील सर्व बँकानी ही योजना ऑनलाईन पद्धतीने राबवावी आणि या केंद्र सरकार च्या सर्व लोककल्याणकारी योजनांची योग्य जाहिरात करावी अशी सूचना मांडली तर केंद्रीय आरोग्य व कुटुंब कल्याण राज्य मंत्री डॉ. भारतीताई पवार यांचे मार्गदर्शनांमध्ये मनमाड नगरपरिषद कार्यक्षेत्रात पंतप्रधान स्व निधी कर्ज योजने सह केंद्र सरकार च्या अंतर्गत येणाऱ्या सर्व योजना ची अंमलबजावणी सक्षमतेने सुरु असून शहारातील नागरिकांनी या योजना चा पूर्ण लाभ घ्यावा असे आवाहन मनमाड नगरपरिषद मुख्याधिकारी डॉ सचिनकुमार पटेल यांनी आपले अध्यक्षीय भाषणातून केले. एच डी एफ सी बँक मॅनेजर सैद व अकबर शाह यांनी देखील विविध महत्वपूर्ण सूचना आपले मनोगत तून व्यक्त केल्या. गेल्या दीड वर्षात मनमाड शहरात सर्व बँका च्या माध्यमातून 360 पेक्षा जास्त पथ विक्रेता लाभार्थी ना 40 लाख रुपयांचे कर्ज वाटप पंतप्रधान स्व निधी योजने अंतर्गत वितरण करण्यात आले.सुमारे 150 प्रलंबित कर्ज प्रकरणे महिन्यात वितरण होतील व यंदाच्या आर्थिक वर्षात 500 पेक्षा जास्त पथ विक्रेते या योजनेचा लाभ घेऊ शकणार आहेत. सर्व मान्यवर च्या हस्ते पंतप्रधान स्व निधी चे एच डी एफ सी बँक मनमाड द्वारे मंजूर
लाभार्थी:
सलीम गफूर भगवान,
संजय भीमराव आहिरे,
राजेश पुंडलिक कापडने,
राजू तुकाराम पगारे,
मुश्ताक चांद शाह,
रहीम इमाम शाह यांना प्रतिनिधीक स्वरूपात निधी वाटप करण्यात आले.कार्यक्रमाचे संयोजन भाजपा मनमाड शहर अध्यक्ष जयकुमार फुलवाणी, अकबर शाह, संदीप अगोने यांनी केले.