रावेर येथे 24 ते 27 नोव्हेंबर 2022 दरम्यान संपन्न झालेल्या खुल्या युथ ज्युनिअर व सिनियर महाराष्ट्र राज्य स्तरीय वेटलिफ्टिंग स्पर्धेत जयभवानी व्यायामशाळेच्या खेळाडूंनी चमकदार कामगिरी करीत घवघवीत यश संपादन केले महाराष्ट्रातील 300 खेळाडूंमध्ये चुरशीची लढत प्रत्येक वजनी गटात बघायला मिळाली मनमाड च्या खेळाडूंनी नाशिक जिल्हा संघाचे प्रतिनिधित्व करीत लक्षणीय कामगिरी बजावली
55 किलो वजनी गटात आंतरराष्ट्रीय खेळाडू मुकुंद संतोष आहेर याने ज्युनिअर व सिनियर दोन्ही गटात सहभागी होत चमकदार कामगिरी करीत दोन सुवर्णपदके पटकावून ज्युनिअर व सिनियर गटात सर्वोत्कृष्ट खेळाडूचा बहुमान व रोख दोन हजार रुपयांचे पारितोषिक ही पटकावले वरीष्ठ गटात मुलांमध्ये विक्रमी कामगिरी करीत सुवर्णपदक पटकवणारा मुकुंद नाशिक जिल्ह्यातील पहिलाच खेळाडू ठरला आहे.
40 किलो वजनी गटात महात्मा गांधी विद्या मंदिर संचलित मनमाड महाविद्यालयाच्या वीणाताई संतोष आहेर हिने नवीन राष्ट्रीय विक्रमासह सुवर्णपदक पटकावले क्लिन जर्क चा राष्ट्रीय विक्रम प्रस्थापित केला 45 किलोवजनी गटात छत्रे विद्यालयाच्या मेघा संतोष आहेर हिने आपल्या पहिल्याच राज्यस्तरीय स्पर्धेत ज्युनिअर मध्ये सुवर्णपदक व युथ मध्ये कांस्यपदक पटकावले मुकुंद विना व मेघा या तीनही भावंडांनी राज्यस्तरीय स्पर्धेत सुवर्णपदक पटकावून एक आगळा वेगळा विक्रम स्थापित केला आहे 73 किलो वजनी गटात के आर टी हाय स्कुल च्या साइराज राजेश परदेशी यान युथ मध्ये सुवर्णपदक व ज्युनिअर मध्ये रौप्यपदक मिळवीत शानदार कामगीरी बजावली युथ मुलींमध्ये लागोपाठ तीन राष्ट्रीय स्पर्धांमध्ये नवीन विक्रम करणारी दोन आंतरराष्ट्रीय स्पर्धांमध्ये पदक प्राप्त करणारी विक्रमवीर आंतरराष्ट्रीय खेळाडू गुरू गोविंदसिंग हाय स्कुलची आकांक्षा किशोर व्यवहारे हिने या राज्यस्तरीय स्पर्धेत 40 किलो वजनी गटा ऐवजी 45 किलो या नवीन वजनी गटात पहिल्यांदाच सहभागी होत कमी कालावधीत उत्तम कामगिरी करीत रौप्यपदक पटकावले मनमाड महाविद्यालयाची दिया किशोर व्यवहारे हिने 45 किलो सिनिअर मध्ये रौप्यपदक व ज्युनिअर मध्ये कांस्यपदक करुणा रमेश गाढे हिने 71 किलो वजनी गटात रौप्यपदक, मनमाड महाविद्यालयाच्या नूतन बाबासाहेब दराडे 55 किलो वजनी गटात सिनियर मध्ये कांस्यपदक धनश्री विनोद बेदाडे हिने 81 किलो वजनी गटात रौप्यपदक पूजा श्याम वैष्णव हिने 55 किलो वजनी गटात रौप्यपदक साक्षी वानखेडे हिने 59 किलो वजनी गटात कांस्यपदक व छत्रे विद्यालयाच्या श्रावणी विजय पुरंदरे हिने 49 किलो वजनी गटात कांस्यपदक मिळवीत उत्तम कामगिरी बजावली गुड शेफर्ड हाय स्कुलचा कृष्णा संजय व्यवहारे, मनमाड महाविद्यालयाच्या वैष्णवी वाल्मिक इप्पर, वैष्णवी जनार्धन उगले,खुशाली निवृत्ती गांगुर्डे,वैष्णवी शुक्ला,जयराज परदेशी यांनी स्पर्धेत सहभागी होत चांगली कामगिरी केली
यशस्वी खेळाडूंना छत्रे विद्यालयाचे क्रीडा प्रशिक्षक प्रवीण व्यवहारे व आंतरराष्ट्रीय प्रशिक्षक तृप्ती पाराशर यांचे मार्गदर्शन लाभले आहे
जय भवानी व्यायामशाळेचे अध्यक्ष डॉ विजय पाटील,मोहन अण्णा गायकवाड,डॉ सुनील बागरेचा प्रा दत्ता शिंपी,कला विज्ञान व वाणिज्य महाविद्यालय मनमाड चे प्राचार्य डॉ अरुण पाटील,क्रीडा संचालक प्रा संतोष जाधव छत्रे विद्यालयाचे आधारस्तंभ पी जी धारवाडकर, अध्यक्ष पी जे दिंडोरकर, सचिव दिनेश धारवाडकर, संचालक नाना कुलकर्णी प्रसाद पंचवाघ,मुख्याध्यापक आर एन थोरात, उपमुख्याध्यापक देशपांडे एस व्ही,पर्यवेक्षिका सौ पोतदार एस एस,यांनी अभिनंदन केले व शुभेच्छा दिल्या.
