मनमाड : ( योगेश म्हस्के )श्री गुरू गोविंदसिंगजी महाराज यांच्या पवित्र पदस्पर्शाने पावन झालेल्या गुप्तसर साहेब गुरुद्वारा मनमाड मध्ये दरवर्षी गुरू गोविंदसिंगजी महाराज यांच्या प्रकाश पूरब निमित्ताने सालाना जोडमेलाचे आयोजन करण्यात येत असते.
यंदाच्या वर्षीच्या श्री गुरू गोविंदसिंगजी महाराज यांच्या 356 व्या पावन प्रकाश पूरब निमित्ताने दिनांक 16 , 17 आणि 18 डिसेंबर रोजी गुरुद्वारामध्ये सालाना जोडमेलाचे आयोजन करण्यात आले आहे.याप्रसंगी अखंड पाठ , भजन,कीर्तन,लंगर आदी धार्मिक कार्यक्रमांचे आयोजन करण्यात आले आहे . या सर्व उत्सवास आज पासुन प्रारंभ झाला आहे. सालाना जोडमेला निमित्ताने गुरुद्वाराला आकर्षक अशी विद्युत रोषणाई करण्यात आली असुन या उत्सवामध्ये अनेक राज्यातील शीख बांधव , मान्यवर आणि कलाकार सहभागी होणार आहे.
दिनांक 18 डिसेंबर (रविवार) दुपारी 3.00 वाजता गुरुद्वारा पासुन संपुर्ण मनमाड शहरामध्ये भव्य स्वरूपात नगर किर्तनाचे आयोजन करण्यात आले असुन , सालाना जोडमेला उत्सवात शहरातील सर्व धर्मिय नागरिक आणि भाविकांनी सहभागी व्हावे असे आव्हान मनमाड गुरुद्वारा प्रबंधक संत श्री बाबा रणजितसिंह जी यांनी केले आहे.
