नागापूर ग्रामपंचायतीची अटीतअटीची निवडणूक रविवारी शांततेत पार पडली. थेट सरपंच पदासाठी चुरस दिसून आली.
नागापूर ग्रामपंचायतीत एकूण २००९ पैकी १८३० मतदारानी आपला हक्क बजावला, यामध्ये पुरुष ९७१, तर ८७९ स्त्रीयांनी मतदानाचा हक्क बजावला. एकूण ९१ टक्के इतके मतदान झाल्याने उमेदवारांचे भवितव्य मतपेटीत बंद झाले.
सदस्यपदासाठी नाट्यमय घडामोडीच्या माघारीनंतर तीन सदस्य बिनविरोध निवडून आले असून थेट सरपंच पदासाठी तीन उमेदवारांनमध्ये काटे की टक्कर होत आहे , माजी आमदार संजय पवार यांच्या बाजूने माजी सरपंच अशोक पवार उमेदवार असून, त्यांच्या विरोधात माजी जिल्हा परिषद सदस्य राजेंद्र पवार उमेदवार असून, रघुनाथ सोमासे तिसरे उमेदवार आहेत.
प्रभाग एकमध्ये अनुसूचित जाती राखीव जागेसाठी विजय नगे, रवींद्र नगे यांच्यात,सर्वसाधारण महिला राखीव जागेसाठी कावेरी पवार, केशरबाई पवार, कांचन पवार यांच्यात, प्रभाग दोनमध्ये सर्वसाधारण जागेसाठी प्रकाश जिरे, निलेश पवार, शोभाबाई पवार यांच्यात,प्रभाग तीनमध्ये अनुसूचित जाती महिला राखीव जागेसाठी विद्या देवरे, मंगल नगे यांच्यात सरळ लढत,तर सर्वसाधारण महिला राखीव जागेसाठी रंजना पवार, स्नेहल पवार यांच्यात सरळ सामना होत आहे.
