वैराग्यमूर्ती, कर्मयोगी,महान समाज सेवक, समाज सुधारक,किर्तनकार, राष्ट्रसंत,गाडगेबाबा यांची पुण्यतिथी
“देव दगडात नसून माणसात आहे,मानवसेवा हीच खरी ईश्वर सेवा आहे” अशी शिकवण देणारे तसेच लोकांमधील अंधश्रद्धेचा नायनाट करून समाजप्रबोधनाने विचारशुद्धी घडवून आणणारे कर्मयोगी राष्ट्रसंत म्हणजे गाडगे महाराज. कर्मकांड हे मानव जातीला विघातक आहे म्हणून वैज्ञानिक दृष्टिकोन जोपासून शिक्षणाचे महत्त्व लोकांना पटवून दिले. स्वच्छतेचा मूलमंत्र खऱ्या अर्थाने गाडगेबाबांनीच समाजाला दिला. समाजातील अज्ञान,अंधश्रद्धा,भोळ्या समजूती, अनिष्ट रूढी-परंपरा,दूर करण्यासाठी आपले आयुष्य पणाला लावणाऱ्या या महान कर्मयोगी राष्ट्रसंत गाडगेबाबा यांना रंगीत खडू माध्यम फलक रेखाटनातून विनम्र अभिवादन !
◼फलक रेखाटन – देव हिरे.(कलाशिक्षक,नूतन माध्यमिक विद्यालय भाटगाव. ता.चांदवड.जि. नाशिक.
