मनमाड शहरातील तमाम नागरीकांना कळविण्यांत येते की, मनमाड शहरास पाणी पुरवठा करणारे वागदर्डी धरणात सद्यस्थितीत पुरेशाप्रमाणात पाणी उपलब्ध आहे. तथापि शहराचा संपूर्ण पाणी पुरवठा हा विज वितरण कंपनीच्या विजेवर अवलंबुन असतो. मात्र महाराष्ट्र राज्य विज वितरण कंपनीच्या कर्मचा-यांचा दि.03.01.2023 रोजीच्या मध्य रात्रीपासून 72 तासांसाठी विज कामगार संघटनेकडून संप पुकारण्यात आलेला आहे. यादरम्यान विज पुरवठा खंडीत झाल्यास खंडीत विज पुरवठा पुढील काही खंडीतच राहण्याची शक्यता नाकारता येत नाही. यास्तव शहरातील तमाम नागरीकांना आवाहन करण्यात येते की. पुढील 72 तासांच्या कालावधीत नैसर्गिकरित्या विज पुरवठा खंडीत झाल्यास, त्याचा परिणाम पाण्याच्या वितरणावर होण्याची शक्यता आहे. असे झाले तरी शक्यतो विज वितरण कंपनीच्या संपानंतर नियोजित वेळेनुसार पाणी वितरण सुरु ठेवण्यासाठी नगरपरिषद प्रशासन सर्वोतोपरी पर्यन्तशिल राहील, तरी नागरीकांनी कुठल्याही अफवांवर विश्वास ठेवू नये, पिण्याचे पाणी उकळून व गाळूनच प्यावे पाण्याच्या अपव्यय करू नये, पाणी गळती वेळीच थांबवावी. याबाबत मनमाड नगरपरिषदेस सहकार्य करावे असे आवाहन मनमाड नगर परिषद प्रशासनाने केले आहे.
