मनमाड ( योगेश म्हस्के )भारताच्या प्रथम महिला शिक्षीका , उत्तम कवियित्री , अध्यापिका , समाजसेविका आणि पहिल्या विद्याग्रहण करणाऱ्या महिला क्रांतीज्योती सावित्रीबाई फुले यांची 192 वी जयंती मनमाड शहरातील विविध संघटना , संस्था आणि शाळेमध्ये साजरी करण्यात आली.
भारतातील स्त्री शिक्षणाच्या जनक म्हणुन ओळखल्या जाणाऱ्या सावित्री माईंनी महिलांना शिक्षण देण्यासाठी त्या काळी अनेकांच्या विरोधाचा सामना करून महिलांना शिक्षण देण्याचे काम केले , आज समाजामध्ये महिलांच्या अनेक क्षेत्रातील प्रगती मध्ये सावित्रीबाईंचे खुप मोठे उपकार आहे.मनमाड शहरातील महात्मा ज्योतिबा फुले पुतळा येथे महात्मा फुले माळी समाज मित्र मंडळाच्या वतीने क्रांतीज्योती सावित्रीबाई फुले यांच्या प्रतिमेचे पुजन करून अभिवादन करण्यात आले.राष्ट्रवादी काँग्रेस पार्टीच्या सर्व पदाधिकारी आणि सदस्यांच्या वतीने ज्ञानज्योती सावित्रीबाई फुले यांना अभिवादन करण्यात आले , शहरातील आय.यु.डी.पी. परिसरात असणाऱ्या महात्मा ज्योतिबा फुले अभ्यासिका येथे मनमाड बचाव कृती समितीच्या सर्व महिला आणि पुरुष सदस्यांच्या वतीने ज्ञानज्योत सावित्रीबाई फुले यांना अभिवादन करण्यात आले , आमदार श्री सुहासजी कांदे यांच्या संपर्क कार्यालयामध्ये देखील शहरातील शिवसेनेचे पदाधिकारी आणि सदस्यांच्या वतीने क्रांतीज्योती सावित्रीबाई फुले यांना अभिवादन करण्यात आले , मुरलीधर नगर येथील महिला मंडळाच्या वतीने देखील सावित्रीबाई फुले जयंतीनिमित्त अभिवादन कार्यक्रमाचे आयोजन करण्यात आले होते.
शहरातील विविध शाळेमध्ये सावित्रीबाई फुले यांना अभिवादन करून लहान मुलींनी सावित्रीबाई यांची भूमिका सादर केली.
