नांदगाव : नांदगाव तालुक्यातील चांदोरे येथील शालेय विद्यार्थी व नागरिकांची एस टी महामंडळाच्या मनमानी सेवेमुळे हाल होत असून त्यातून शालेय शिक्षणाचा बोजवारा उडत असल्याने नागरिक व विद्यार्थी संतप्त झाले आहेत.आज या संतापाचे रूपांतर आंदोलनात होऊन राष्ट्रवादी काँग्रेस चे गनप्रमुख व चांदोरे ग्रामपंचायतीचे उपसरपंच शिवाजी जाधव यांच्या नेतृत्वाखाली चांदोरे नांदगाव बस रोखून ठेवण्यात आली.
नांदगाव तालुक्यातील चांदोरे येथून नांदगाव येथे शालेय विद्यार्थी बसने प्रवास करतात त्यासाठी त्यांनी मासिक पास काढले आहेत.तसेच नागरिक ही कामानिमित्त नांदगाव येथे जात असतात.मुख्य महामार्गापासून चांदोरे हे गाव चार किलोमीटर अंतरावर असल्याने विद्यार्थी व नागरिकांना नांदगाव जाण्यासाठी चार किलोमीटर पायी चालावे लागत असल्याने विद्यार्थी व नागरिकांच्या मागणीनुसार नांदगाव चांदोरे एस टी बस सुरु करण्यात आली.मात्र या बसची सेवा अनियमित होत असल्याने विद्यार्थी व पालकांमध्ये संतापाचे वातावरण निर्माण झाले होते.
आज या संतापाचे रूपांतर आंदोलनात होऊन चांदोरे ग्रामपंचायत चे माजी उपसरपंच शिवाजी जाधव यांचे नेतृत्वाखाली नांदगाव चांदोरे बस अडवून ठेवण्यात आली.
