महाराष्ट्र मिनी ऑलिम्पिक स्पर्धा – जय भवानी व्यायामशाळेच्या सहा खेळाडूंची निवड

महाराष्ट्र ओलीम्पिक असोसिएशन क्रीडा व युवक सेवा संचालनालय महाराष्ट्र राज्य यांच्या वतीने दिनांक 9 ते 12 जानेवारी दरम्यान आयोजीत करण्यात आलेल्या महाराष्ट्र मिनी ऑलिम्पिक या राज्यस्तरीय वेटलिफ्टिंग स्पर्धेसाठी जय भवानी व्यायामशाळेच्या सहा खेळाडूंची निवड करण्यात आली आहे सुमारे 22 वर्षांच्या प्रतीक्षेनंतर होणाऱ्या महाराष्ट्र मिनी ऑलिम्पिक या राज्यस्तरीय मानाच्या स्पर्धेत मनमाड चे सहा खेळाडू नाशिक जिल्ह्याचे प्रतिनिधित्व करणार आहेत राज्यस्तरीय वरीष्ठ गटात केलेल्या ऊत्तम कामगिरी च्या आधारावर 45 किलो वजनी गटात दिया किशोर व्यवहारे,49 किलो वजनी गटात खुशाली निवृत्ती गांगुर्डे,55 किलो वजनी गटात नूतन बाबासाहेब दराडे,64 कीलो वजनी गटात वैष्णवी वाल्मिक ईप्पर 71 किलो वजनी गटात करुणा रमेश गाढे या महिला खेळाडूंची व 55 किलो वजनी गटात आंतरराष्ट्रीय खेळाडू व नुकत्याच नागरकोईल तामिळनाडू येथे झालेल्या राष्ट्रीय स्पर्धेतील सुवर्णपदक विजेता मुकुंद संतोष आहेर याची महाराष्ट्र राज्य वेटलिफ्टिंग संघटनेच्या वतीने निवड करण्यात आली आहे
छत्रे विद्यालयाचे क्रीडा प्रशिक्षक प्रवीण व्यवहारे व आंतरराष्ट्रीय प्रशिक्षक तृप्ती पाराशर यांची वेटलिफ्टिंग या खेळासाठी तांत्रिक अधिकारी म्हणून नेमणूक करण्यात आली आहे तसेच राष्ट्रीय खेळाडू साक्षी संजय पांडे हिची नाशिक जिल्हा संघाची प्रशिक्षक म्हणून नेमणूक करण्यात आली आहे
जय भवानी व्यायामशाळेचे अध्यक्ष डॉ विजय पाटील,मोहन अण्णा गायकवाड,डॉ सुनील बागरेचा प्रा दत्ता शिंपी,कला विज्ञान व वाणिज्य महाविद्यालय मनमाड चे प्राचार्य डॉ अरुण पाटील,क्रीडा संचालक प्रा संतोष जाधव छत्रे विद्यालयाचे आधारस्तंभ पी जी धारवाडकर, अध्यक्ष पी जे दिंडोरकर, सचिव दिनेश धारवाडकर, संचालक नाना कुलकर्णी प्रसाद पंचवाघ,मुख्याध्यापक आर एन थोरात, उपमुख्याध्यापक देशपांडे संदीप,पर्यवेक्षिका सौ पोतदार एस एस यांनी अभिनंदन केले व शुभेच्छा दिल्या.