ब्रेल लिपिचे जनक लुई ब्रेल यांच्या जयंती निमित्त राष्ट्रीय दृष्टिहीन महासंघाच्या वतीने मनमाड येथे मार्गदर्शन शिबिराचे आयोजन करण्यात आले होते. कार्यक्रमाचा शुभारंभ लुई ब्रेल यांच्या प्रतिमेला पुष्पहार अर्पण करून करण्यात आला. सामाजिक कार्यकर्ते वसंत गवळी यांच्या हस्ते ब्रेल यांच्या प्रतिमेस पुष्पहार अर्पण करण्यात आला. यावेळी संपूर्ण राज्यभरातून दृष्टिहीन बांधव उपस्थित होते. दृष्टिहीन बांधवांच्या समस्या व त्यावरील उपाययोजना यावर मार्गदर्शन करण्यात आले. दृष्टिहीन बांधवांसाठी असलेल्या कायद्यांबाबत व शासकीय योजनांबद्दल माहिती देण्यात आली. यावेळी तालुक्याचे माजी आमदार पंकजभाऊ भुजबळ यांचे वतीने मोलाचे सहकार्य मिळाल्याची माहिती आयोजकांनी दिली. कार्यक्रमास राष्ट्रवादी काँग्रेस सेवादलचे जिल्हाध्यक्ष जाधव, अल्प.तालुकाध्यक्ष हबीब शेख, महीला शहराध्यक्ष सौ.अपर्णा देशमुख, मा.नगराध्यक्ष प्रकाश बोधक, श्रीराज कातकाडे, आनंद बोथरा आदि उपस्थीत होते.
