मनमाड शहर राष्ट्रवादी काँग्रेस पक्षाच्या वतीने मकर संक्रांती निमित्त शहरात प्रथमच भव्य पतंग महोत्सवाचे आयोजन येथील महर्षी वाल्मीक क्रीडांगण येथे रविवारी करण्यात आले होते. या पतंग महोत्सवाला माजी आमदार पंकज भुजबळ यांची प्रमुख उपस्थिती होती. त्यांनी सुद्धा मनमाड शहर राष्ट्रवादी पक्षाच्या पदाधिकारी आणी कार्यकर्त्यांसोबत पतंग उडविण्याचा आनंद लुटला. या महोत्सवाला शहरातील आबाल वृद्धांसह बच्चे कंपनीने पहिल्यांदाच आयोजित करण्यात आलेल्या पतंग महोत्सवात सहभागी होत आनंद लुटला. ह्या महोत्सवाला शहराध्यक्ष दीपक गोगड यांसह पदाधिकारी आणि कार्यकर्ते उपस्थित होते. ह्या महोत्सवाला नांदगाव तालुक्यातील राष्ट्रवादी काँग्रेस पक्षाचे पदाधिकारी तसेच महाविकास आघाडी तील घटक पक्ष शिवसेना उद्धव बाळासाहेब ठाकरे आणि इंदिरा काँग्रेस चे पदाधिकारी उपस्थित होते. सेवादल जिल्हाध्यक्ष राजेंद्र जाधव, हबीब शेख,अमोल गांगुर्डे,प्रकाश बोधक,राजू करकाळे, श्रीराज कातकडे, अक्षय देशमुख,शफीक शेख, पवण आहीरे,जावेद शेख,वसीम शेख, आनंद बोथरा आदींनी यशस्वितेसाठी विशेष परिश्रम घेतले.
