हिरे व्यापाऱ्याच्या आठ वर्षीय मुलीने ऐशोआरामाचे आयुष्य झुगारून साध्वी होण्याचा मार्ग निवडला आहे. गुजरातच्या सुरतमधील हिरे व्यापारी कुटुंबातील देवांशी संघवी या आठ वर्षीय मुलीने सर्व सुखसोयींचा त्याग करून जैन साध्वी म्हणून दीक्षा घेतली. बुधवारी हा कार्यक्रम मोठ्या उत्साहात पार पडला. या सोहळ्याला 35 हजारांहून अधिक लोक उपस्थित होते. अनेक संत-मुनींच्या उपस्थितीत आचार्य कीर्तियश सुरीश्वर महाराज यांच्या हस्ते देवांशी हिने जैन साध्वी म्हणून दीक्षा घेत संन्यास मार्गाच्या जीवन प्रवासाला सुरुवात केली आहे. देवांशीच्या दीक्षा महोत्सवासाठी घोडे, हत्ती, उंट यांच्या उपस्थिती मोठ्या उत्सवाचे आयोजन करण्यात आले होते.
चिमुकल्या देवांशीच्या दीक्षा महोत्सवाचे साक्षीदार होण्यासाठी मोठ्या संख्येने भाविक जमले होते. हिरे व्यापाऱ्याच्या मुलीने एवढ्या कमी वयात साध्वी होण्याचा निर्णय घेतल्यामुळे अनेकांकडून आश्चर्य व्यक्त केले जात आहे. देवांशी साध्वी झाल्यानंतर तिला निरोप देताना तिचे कुटुंबीय अतिशय भावूक झाले होते.
सेंट झेवियर शाळेत प्रजासत्ताक दिन साजरा
मनमाड -येथील सेंट झेवियर हायस्कूलमध्ये देशाचा 77 वा प्रजासत्ताक दिन मोठ्या उत्साहात संपन्न झाला....
