मनमाड :- आर.डी.पी.युवा मंच व मनमाड क्रिकेट समिती आयोजित महर्षी वाल्मिकी क्रीडा संकुल मनमाड येथे ज्युनियर एम.पी.एल.क्रिकेट स्पर्धेचा अंतिम सामना आय.बी.एम.स्टार्स विरुद्ध एस.ए.चॅलेंजर संघामध्ये झाला.आय.बी.एम.स्टार्स संघाने नाणेफेक जिंकून प्रथम फलंदाजी करतांना मर्यादित 6 षटकात 4 गडी बाद 76 धावा केल्या.प्रत्युत्तर एस.ए.चॅलेंजर संघ 6 षटकात 3 गडी बाद 72 धावा करू शकला. हा सामना आय.बी.स्टार्स संघाने 4 धावाने जिंकून प्रथम पारितोषिक रु.15000/- व चषकाचा मानकरी ठरला.द्वितीय क्रमांकाचे पारितोषिक रु.11000/- व चषक एस.ए.चॅलेंजर संघ,तृतीय क्रमांकाचे पारितोषिक व चषक जयकुमार फायटर संघ तसेच चतुर्थ क्रमांकाचे पारितोषिक व चषक सुपर स्टार संघास देण्यात आले. तसेच मालिकविर पुरस्कार निखिल चुनियान, उत्कृष्ट फलंदाज पुरस्कार सरफराज (सोनू) शेख,उत्कृष्ट झेल पुरस्कार रितेश पगारे,बिग सिक्स पुरस्कार सिकंदर मोगल,उत्कृष्ट युवा खेळाडू पुरस्कार मनवीर सोनवणे या खेळाडूंना सन्मानचिन्ह व रोख पारितोषिक देऊन गौरविण्यात आले. कार्यक्रमास उपस्थित
राजाभाऊ पगारे (मा.नगराध्यक्ष,म.न.मनमाड),डॉ.रवींद्र राजपूत,डॉ. सुनील बिडगर,डॉ.नितीन जैन, हबिबभाई शेख, इरफानभाई मोमीन,सनीभाऊ अरोरा,सलमान अत्तार,सनी पाटील,बौद्धचार्य सुरेश आहिरे,हिरामन मनोहर (पत्रकार),सतीश परदेशी(पत्रकार), मन्सूफ शाह, राहुल साबळे यांच्या हस्ते सर्व पुरस्कार देण्यात आले.
मनमाड शहरातील क्रिकेट प्रेमी मोठ्या संख्येने उपस्थित राहून अंतिम सामना पाहण्याचा आनंद लुटला.या स्पर्धेतून मनमाड शहरातील युवा क्रिकेट खेळाडू चमकले. स्पर्धेचे प्रथम क्रमांकाचे पारितोषिक पंधरा हजार रुपये मनमाड क्रिकेट समिती तर्फे,द्वितीय क्रमांकाचे पारितोषिक अकरा हजार रुपये,हबिबभाई शेख यांच्या तर्फे,तृतीय क्रमांकाचे पारितोषिक सात हजार रुपये सलमानभाई अत्तार यांच्या तर्फे व चतुर्थ क्रमांकाचे पारितोषिक पाच हजार रुपये मोहसीनभाई पठाण व पवन भाऊ रॉय यांच्या तर्फे देण्यात आले.तसेच उत्कृष्ट गोलंदाज पुरस्कार,बिग सिक्सर पुरस्कार,उत्कृष्ट युवा क्रिकेट खेळाडू पुरस्कार अक्षय जाधव यांच्या तर्फे देण्यात आले.
आय.बी.एम.स्टार्स,एस.ए.चॅलेंजर,जयकुमार फायटर,सुपर स्टार,एस.एस.सुल्तान, व्ही.एस.ग्रुप या सहा संघांनी सहभाग घेऊन स्पर्धा यशस्वी केल्याबद्दल सर्व संघ मालकांचे आर.डी.पी.युवा मंच व मनमाड क्रिकेट समिती तर्फे आभार मानण्यात आले. पंचाचे काम खलील कुरेशी,रहीम पठाण, ऑनलाईन स्कोररचे काम रुद्र पाटेकर,रोहित पवार,ओमकार ठोंबरे,सचिन गरुड व समालोचन मनोज ठोंबरे (सर),अक्षय जाधव,सिद्धार्थ (भोला) रोकडे यांनी केले.कार्यक्रमाचे सूत्रसंचालन मनमाड क्रिकेट समितीचे अध्यक्ष मनोज ठोंबरे सर व भूमी क्रिकेट अकॅडमी,मनमाड संचालक सिद्धार्थ (भोला) रोकडे यांनी उत्कृष्ट केले.
