शालेय विद्यार्थ्यांसह इतर प्रवाशांना बस सेवा वेळेत उपलब्ध करून देण्यात यावी व इतर समस्यांबाबत मनमाड ते नांदगाव दरम्यान नागापूर,पानेवाडी,धोटाने, हिसवळ,शास्त्रीनगर आदी भागासह इतर खेड्यापाड्यातील विद्यार्थी नांदगाव व मनमाड या ठिकाणी शाळेत जातात. या सर्व विद्यार्थ्यांना एस.टी. महामंडळाचे पासेस उपलब्ध आहेत. मात्र आपल्या आगारातील वाहक चालक हे या विद्यार्थ्यांना बसमधून नेण्यासाठी टाळाटाळ करतात यासह आपल्या बस डेपोतून सुटणाऱ्या अनेक बसेस देखील वेळेवर नाही यामुळे विद्यार्थ्यांना तसेच प्रवाशांना नाहक त्रास सहन करावा लागतोय यासह बस स्थानकात देखील अनेक असुविधा आहेत पिण्याचे पाणी नाही अस्वच्छता आदी अनेक समस्या आहेत. रस्त्यांना खड्डे पडलेले आहे. नवीन शेडजवळ साफसफाई होत नाही, तेथे दुर्गंधी झालेली आहे. तसेच बसेस ची होत नाही. डॉ. बाबासाहेब आंबेडकर नगर येथे बस थांबा दिलेला असुन, तेथे बोर्ड लावण्यात यावा. यामुळे आपण प्राधान्याने लक्ष देऊन वरील समस्यांचे निवारण करावे अन्यथा आम्ही फुले शाहू आंबेडकर मुस्लिम विचारमंच तर्फे लोकशाही मार्गाने आंदोलन करू व होणाऱ्या परिणामस सर्वस्वी आपण जबाबदार रहाल असा इशारा फुले शाहू आंबेडकर विचार मंचच्या वतीने येथील मनमाड आगार प्रमुख यांना देण्यात आले.
