Breaking News

[post-marguee]

[ays_poll id=7]

चला गड किल्ला बनवुया , मातीशी नाते जोडूया….नांदगाव-मनमाड पत्रकार संघाच्या वतीने छत्रपती शिवाजी महाराज जयंतीनिमित्त स्पर्धेचे आयोजन…..

Feb 17, 2023

मनमाड :  ‘चला मग किल्ला बनवूया, मातीशी नाते जोडू या’ हे ब्रीद वाक्य घेऊन आगामी शिवजयंती निमित्त नांदगांव मनमाड मराठी पत्रकार संघाच्या वतीने शिवरायांच्या गड किल्ल्यांची प्रतिकृतीचे मातीचे किल्ले बनविण्याची स्पर्धा आयोजित केली असून मनमाड शहरातील नागरिकांनी या विनामूल्य स्पर्धेत उत्स्फूर्तपणे सहभाग घ्यावा असे आवाहन करण्यात येत आहे.

येत्या १९ फेब्रुवारी रोजी छत्रपती शिवाजी महाराज यांची जयंती साजरी होत आहे. त्या निमित्ताने मनमाड शहरात शिवजयंतीनिमित्त गड किल्ले उभारणी स्पर्धेचे आयोजन नांदगाव मनमाड पत्रकार संघातर्फे आयोजित करण्यात आले आहे. ‘चला मग किल्ला बनवूया, मातीशी नाते जोडू या’ हे ब्रीद वाक्य घेऊन शिवजयंती निमित्त शिवरायांचे गड किल्ले मातीत बनविण्याची स्पर्धा घेण्यात येणार आहे. छत्रपती शिवाजी महाराज यांनी आपल्या कारकीर्दीत स्वराज्यासाठी महाराष्ट्रभर विविध जाती धर्मातील लोकांना सोबत घेऊन गड किल्ले उभारले, गड किल्ले जिंकले त्यांची माहिती येणाऱ्या पिढीला व्हावी या उद्देशाने या स्पर्धेचे आयोजन करण्यात आले आहे. या स्पर्धेत सहभागी होऊ इच्छिणाऱ्या स्पर्धकांनी १७ फेब्रुवारी पर्यंत या स्पर्धेत सहभागी होण्यासाठी आपली प्रवेशिका त्यात आपले नाव, पत्ता, मोबाईल नंबर, शिवरायांचा कोणता किल्ला बनवणार त्याचे नाव यासह इतर माहिती असलेली प्रवेशिका पत्रकार उपाली परदेशी (9226727877), योगेश म्हस्के (8149888554), मिलिंद वाघ सर (9270885350) या क्रमांकावर पाठवायच्या आहेत. या स्पर्धेसाठी काही नियम अटी ठेवण्यात आल्या आहेत. स्वतःच्याच घरी पर्यावरण पूरक शिवरायांचे मातीचे गड किल्ले बनवण्याचे आहेत.
पर्यावरण पूरक गडकिल्ले मातीत बांधणे, छत्रपती शिवरायांच्या किल्ल्यांची प्रतिकृती सादर करावी, प्रवेश विनामूल्य असून प्रवेशिका १७ तारखेपर्यंत पाठवणे, नाव नोंदणी अनिवार्य आहे. परीक्षण २० फेब्रुवारी रोजी घरी जाऊन करण्यात येईल, बक्षीस वितरण शिवजयंती झाल्यानंतर करण्यात येईल, स्पर्धा शहर पातळीवर खुली राहील, परिक्षणाचे मुद्दे गट कार्य नियोजन, नावीन्य व कल्पकता, किल्ले विषयाची माहिती किल्ल्याची सुबकता असे असणार आहे. यशस्वी प्रथम, द्वितीय, तृतीय आणि तीन उत्तेजनार्थ स्पर्धकांना आकर्षक सन्मानचिन्ह व रोख पारितोषिक, प्रमाणपत्र मान्यवरांच्या हस्ते दिले जातील अशी माहिती नांदगांव मनमाड मराठी पत्रकार संघाचे अध्यक्ष अमोल खरे यांनी दिली.

अजून बातम्या वाचा..

जि. प शाळा शिंगवे येथे मा. गटशिक्षणाधिकारी श्री संदिपकुमार शिंदे साहेब व निकम साहेब यांची भेट

जि. प शाळा शिंगवे येथे मा. गटशिक्षणाधिकारी श्री संदिपकुमार शिंदे साहेब व निकम साहेब यांची भेट

जि. प शाळा शिंगवे येथे आज मा. गटशिक्षणाधिकारी श्री संदिपकुमार शिंदे साहेब व निमोण केंद्राचे...

read more
भारतीय संघाच्या प्रशिक्षण शिबिरासाठी आकांक्षा व्यवहारे व साईराज परदेशी यांची निवड

भारतीय संघाच्या प्रशिक्षण शिबिरासाठी आकांक्षा व्यवहारे व साईराज परदेशी यांची निवड

आगामी आंतरराष्ट्रीय युथ वेटलिफ्टिंग स्पर्धेच्या पूर्व तयारी साठी भारतीय संघाच्या प्रशिक्षण...

read more
ज्युनियर एम.पी.एल. क्रिकेट स्पर्धेचा अंतिम सामना विजेता आय.बी.एम. स्टार्स संघ उपविजेता एस.ए.चॅलेंजर संघ

ज्युनियर एम.पी.एल. क्रिकेट स्पर्धेचा अंतिम सामना विजेता आय.बी.एम. स्टार्स संघ उपविजेता एस.ए.चॅलेंजर संघ

मनमाड :- आर.डी.पी.युवा मंच व मनमाड क्रिकेट समिती आयोजित महर्षी वाल्मिकी क्रीडा संकुल मनमाड येथे...

read more
केंद्रीय आरोग्य राज्यमंत्री डॉ भारती पवार यांच्या प्रयत्नातुन अखेर राज्यातील ५९७ परिचारिकांच्या पदाला मंजुरी

केंद्रीय आरोग्य राज्यमंत्री डॉ भारती पवार यांच्या प्रयत्नातुन अखेर राज्यातील ५९७ परिचारिकांच्या पदाला मंजुरी

केंद्र शासनाने २०२२-२३ च्या प्रकल्प अंमलबजावणी आराखड्यात मंजूर न केलेल्या राज्यातील ५९७...

read more
[hsas-shortcode group="" speed="10" direction="left" gap="50"]