मराठी भाषा दिनानिमित्त जिल्हा परिषद प्राथमिक शाळा तळेवस्ती गंगाधरी येथे लेखक तुमच्या भेटीला हा विशेष कार्यक्रम संपन्न झाला यावेळी प्रमुख मान्यवर म्हणून बालसाहित्यिक, कवी , लेखक , पत्रकार श्री. संदिपजी देशपांडे सर यांच्याशी डिजिटल साधनांचा वापर करून ऑनलाईन संवाद साधण्यात आला . अखिल भारतीय मराठी साहित्य संमेलनात मुलांसाठी कथाकथन करणारे बालसहित्यिक मुलांना ऑनलाईन भेटायला आले त्यामुळे ग्रामीण भागातील मुले हरखून गेली.यावेळी संदीप देशपांडे यांनी कविता ,विविध किस्से,मनोरंजक ज्ञानवर्धक माहिती देऊन विद्यार्थ्यांची मने जिंकली. मराठी राजभाषा दिनाचे महत्व आपल्या सोप्या भाषेत विद्यार्थ्यांना पटवून दिले . तसेच कवीवर्य कुसुमाग्रज यांच्या अक्षरबाग मधील कविता ही सादर केल्या .मुलांकडून गाऊन घेतल्या.
यावेळी कु. वैष्णवी कर्नर , कु.चैताली भागवत, कु.कन्हैया वाघमोडे , कु.मानसी ठोंबरे , या विद्यार्थ्यांनी देशपांडे सरांना साहित्या संबधीत प्रश्न विचारले आणि देशपांडे सरांनी ही दिलखुलास पणे विद्यार्थ्यांच्या प्रश्नांची उत्तरे दिली. व साहित्या संबधित मार्गदर्शन ही केले तसेच यावेळी त्यांनी
” सहाच्या घरी दहा गेले .
सहाच्या घरात दहाच मावले .
बाकी सारे दारात बसले ” ,
” फणस संत्रे आगगाडीत बसले ” शाळा माझी सुंदर यासह विविध बालकवितासह अनेक कविता ही विद्यार्थ्यांना ऐकविल्या . या बालकविता विद्यार्थ्यांनी उस्फूर्त पणे ऐकल्या. आणि आनंदीत झाले . या वेळी देशपांडे सरांनी विद्यार्थ्यांचे तसेच शिक्षकांचे ही कौतुक केले. तसेच
विद्यार्थ्यांच्या प्रश्नाला उत्तर देतांना काही पुस्तक वाचना सुचविले.यात साहित्य अकादमी दिल्ली पुरस्कार प्राप्त ” जोकर बनला किंगमेकर ” ,
आमचा बाप आणि आम्ही ,
थांबणारे ढगोबा ,
शब्दांची नवलाई , आदी विविध पुस्तके वाचनास सुचविले.
. याकार्यक्रमामुळे विद्यार्थ्यांमध्ये साहित्याची आवड निर्माण होण्यास मदतच होणार आहे. तसेच वाचनाची प्रेरणा मिळेल याकार्यक्रमाचे सुत्रसंचालन व आभार गोरख जाधव यांनी मानले .
